ಎಸಿಬಿ ಬಲೆಗೆ ಸರ್ವೆಯರ್‌

ಮುಂಡರಗಿ : ಇಲ್ಲಿಯ ಭೂಮಾಪನ ಇಲಾಖೆಯ ಪರವಾನಗಿ ಪಡೆದ ಭೂಮಾಪಕ ಎಸ್‌.ಎಚ್‌.ಹರೀಶ ಬುಧವಾರ ಭ್ರಷ್ಟಾಚಾರ ನಿಗ್ರಹ ದಳ (ಎಸಿಬಿ) ಬಲೆಗೆ ಬಿದ್ದಿದ್ದಾರೆ.

ಇವರು ನಾಗಹರಳ್ಳಿ ಗ್ರಾಮದ ರೈತ ವೀರಭದ್ರಪ್ಪ ದೇವಪ್ಪ ಹಡಪದ ಎಂಬುವವರ ಜಮೀನು ನಕ್ಷೆ ಮಾಡಿಕೊಡಲು 3 ಸಾವಿರ ರೂ. ಲಂಚದ ಬೇಡಿಕೆ ಇಟ್ಟಿದ್ದರು. ಮುಂಡರಗಿ ಬಸ್‌ ನಿಲ್ದಾಣ ಬಳಿಯ ಕೋಲ್ಡ್ರಿಂಕ್ಸ್‌ ಮಳಿಗೆಯಲ್ಲಿ ರೈತನಿಂದ 3 ಸಾವಿರ ಹಣ ಪಡೆಯುತ್ತಿದ್ದಾಗ ಹಣ ಸಮೇತ ಆರೋಪಿ ಹರೀಶ ಸಿಕ್ಕಿಬಿದ್ದಿದ್ದಾರೆ. ಆರೋಪಿಯನ್ನು ಬಂಧಿಸಿ ನ್ಯಾಯಾಂಗ ವಶಕ್ಕೆ ನೀಡಲಾಗಿದೆ ಎಂದು ದಾಳಿಯ ನೇತೃತ್ವ ವಹಿಸಿದ್ದ ಗದಗ ಎಸಿಬಿ ಡಿವೈಎಸ್‌ಪಿ ವಿಜಯಕುಮಾರ ಬಿಸನಳ್ಳಿ ತಿಳಿಸಿದ್ದಾರೆ. ಇನ್‌ಸ್ಪೆಕ್ಟರ್‌ ಎ.ಎಸ್‌.ಬೂದಿಕೊಪ್ಪ, ಮೋಹನ ತಾನಪ್ಪಗೋಳ ಇತರ ಸಿಬ್ಬಂದಿ ಕಾರ್ಯಾಚರಣೆಯಲ್ಲಿ ಪಾಲ್ಗೊಂಡಿದ್ದರು.