ಆ್ಯಪ್ನಗರ

ಅನ್ನದಾನೀಶ್ವರ ಜಾತ್ರಾ ಮಹೋತ್ಸವ

ಮುಂಡರಗಿ : ಶ್ರೀ ಜ.ಅನ್ನದಾನೀಶ್ವರ ಮಹಾಶಿವಯೋಗಿಗಳವರ 149 ನೇ ಯಾತ್ರಾಮಹೋತ್ಸವ ಮತ್ತು ಜಗದ್ಗುರು ನಾಡೋಜ ಡಾ.ಅನ್ನದಾನೀಶ್ವರ ಮಹಾಶಿವಯೋಗಿಗಳವರ ನಿರಂಜನ ಪಟ್ಟಾಧಿಕಾರದ ಸುವರ್ಣ ಮಹೋತ್ಸವ ಕಾರ್ಯಕ್ರಮಗಳು ಫೆ.11ರಿಂದ 19ರವರೆಗೆ ನಡೆಯುವುದು ಎಂದು ಯಾತ್ರಾ ಮಹೋತ್ಸವ ಸಮಿತಿ ಅಧ್ಯಕ್ಷ ಕುಮಾರ ಬನ್ನಿಕೊಪ್ಪ ಹೇಳಿದರು.

Vijaya Karnataka 11 Feb 2019, 5:00 am
ಮುಂಡರಗಿ : ಶ್ರೀ ಜ.ಅನ್ನದಾನೀಶ್ವರ ಮಹಾಶಿವಯೋಗಿಗಳವರ 149 ನೇ ಯಾತ್ರಾಮಹೋತ್ಸವ ಮತ್ತು ಜಗದ್ಗುರು ನಾಡೋಜ ಡಾ.ಅನ್ನದಾನೀಶ್ವರ ಮಹಾಶಿವಯೋಗಿಗಳವರ ನಿರಂಜನ ಪಟ್ಟಾಧಿಕಾರದ ಸುವರ್ಣ ಮಹೋತ್ಸವ ಕಾರ್ಯಕ್ರಮಗಳು ಫೆ.11ರಿಂದ 19ರವರೆಗೆ ನಡೆಯುವುದು ಎಂದು ಯಾತ್ರಾ ಮಹೋತ್ಸವ ಸಮಿತಿ ಅಧ್ಯಕ್ಷ ಕುಮಾರ ಬನ್ನಿಕೊಪ್ಪ ಹೇಳಿದರು.
Vijaya Karnataka Web GDG-9MDR2 JA JATRE
ಶ್ರೀ ಜಗದ್ಗುರು ಅನ್ನದಾನೀಶ್ವರ ಮಹಾಶಿವಯೋಗಿಗಳವರು.


ಅವರು ಶ್ರೀ ಮಠದಲ್ಲಿ ಸುದ್ದಿಗೋಷ್ಠಿಯಲ್ಲಿ ಮಾತನಾಡಿ, ಎಲ್ಲ ಕಾರ್ಯಕ್ರಮಗಳು ಜ.ನಾಡೋಜ ಡಾ.ಅನ್ನದಾನೀಶ್ವರ ಮಹಾಶಿವಯೋಗಿಗಳವರ ಸಾನಿಧ್ಯದಲ್ಲಿ ನಡೆಯುವವು. ದಿ.11 ರಿಂದ ದಿ.16 ರವರೆಗೆ ಪ್ರತಿದಿನ ಸಂಜೆ 7ರಿಂದ ಅನುಭಾವ ಚಿಂತನ ಪ್ರವಚನ ಕಾರ್ಯಕ್ರಮ ಜರಗುವುದು.ಪ್ರವಚನಕಾರರಾಗಿ ಪಂ. ಪರಮಾನಂದ ಶಾಸ್ತ್ರಿಗಳು ಶಿವಶಕ್ತಿಮಠ ಆಗಮಿಸುವರು. ಸೋಮನಾಥ ಗವಾಯಿಗಳು ಸಂಗೀತ ಸೇವೆಯನ್ನು ನೀಡುವರು. ತಬಲಾ ಸೇವೆಯನ್ನು ನಾಗಭೂಷಣ ಹಿರೇಮಠ ನೀಡುವರು. ಬೆಳಗ್ಗೆ 10 ಬೃಹತ್‌ ನೇತ್ರ ಚಿಕಿತ್ಸೆ, ಆಯುಷ್‌ ಚಿಕಿತ್ಸೆ ಮತ್ತು ರಕ್ತದಾನ ಶಿಬಿರ ಹಮ್ಮಿಕೊಳ್ಳಲಾಗಿದೆ.

13 ರಂದು ಬೆಳಗ್ಗೆ 8.30 ಕ್ಕೆ ಷಟ್‌ಸ್ಥಲ ಧ್ವಜಾರೋಹಣ, ತೇರಿನ ಕಳಸಾರೋಹಣ ಚನ್ನವೀರ ಸ್ವಾಮೀಜಿಯಿಂದ ಜರುಗುವುದು ಮತ್ತು ಅನ್ನಪೂರ್ಣೇಶ್ವರಿ ಪೂಜೆ ನಡೆಯುವುದು. 14 ರಂದು ಮಹಾತ್ಮಾ ಗಾಂಧೀಜಿಯವರ 150 ನೇ ಜಯಂತಿ ನಿಮಿತ್ತ ಆರ್‌.ಎಲ್‌.ಪೋಲೀಸ್‌ಪಾಟೀಲ ಅವರಿಂದ ಉಪನ್ಯಾಸ, 15 ರಂದು ಶ್ರೀ ಮಠದಲ್ಲಿ ಶ್ರೀ ಮಠದ ಚಾರಿತ್ರಿಕ ಚಿಂತ ವಿಚಾರ ಸಂಕಿರಣ ಮತ್ತು 16 ರಂದು ಕರಾ ಬೆಲ್ಲದ ಕಾಲೇಜಿನಲ್ಲಿ ನಡೆಯುವುದು ಮತ್ತು ಪ್ರವಚನ ಮಂಗಲೋತ್ಸವ ಕಾರ್ಯಕ್ರಮದ ನೇತೃತ್ವವನ್ನು ಗುದ್ಲೀಶ್ವರ ಸ್ವಾಮೀಜಿ ಮತ್ತು ಶಿವಲಿಂಗ ಸ್ವಾಮೀಜಿ ವಹಿಸುವರು. 17 ರಂದು ಬೆಳಗ್ಗೆ 6 ಕ್ಕೆ ಸುಜ್ಞಾನದೇವ ಶಿವಾಚಾರ್ಯರು ಮತ್ತು ವೀರೇಶ್ವರ ಶಿವಾಚಾರ್ಯರ ನೇತೃತ್ವದಲ್ಲಿ ಶಿವದೀಕ್ಷಾ ಕಾರ್ಯಕ್ರಮ ಮತ್ತು ಸಾಯಂಕಾಲ 5 ಕ್ಕೆ ಕೃಷಿ ತೋಟಗಾರಿಕೆ, ರೇಷ್ಮೆ ವಸ್ತು ಪ್ರದರ್ಶನ ಮತ್ತು ವೆಂಕಟಗಿರಿ ಹಾಲೇಶ್ವರ ಸ್ವಾಮೀಜಿ ಮತ್ತು ಭಕ್ತರಿಂದ ದೀರ್ಘದಂಡ ನಮಸ್ಕಾರ ಕಾರ್ಯಕ್ರಮ ಜರುಗುವವು.

17 ರ ಮಧ್ಯಾಹ್ನ 12 ಕ್ಕೆ ಹರಗುರು ಚರಮೂರ್ತಿಗಳ ನೇತೃತ್ವದಲ್ಲಿ ಸಾಮೂಹಿಕ ವಿವಾಹ ಕಾರ್ಯಕ್ರಮಗಳು ಜರುಗುವವು. ಭೈರನಹಟ್ಟಿ ಶಾಂತಲಿಂಗ ಸ್ವಾಮೀಜಿಗಳಿಗೆ ಮತ್ತು ಸಾಧಕರಿಗೆ ಗುರುರಕ್ಷೆ ಜರಗುವುದು. ಅತಿಥಿಗಳಾಗಿ ಸಂಸದ ಶಿವಕುಮಾರ ಉದಾಸಿ, ಶಾಸಕ ರಾಮಣ್ಣ ಲಮಾಣಿ ಮುಂತಾದವರು ಆಗಮಿಸುವರು. ಸಾಯಂಕಾಲ 6 ಕ್ಕೆ ಶ್ರೀ ಅನ್ನದಾನೀಶ್ವರರ ಮಹಾರಥೋತ್ಸವ ನಡೆಯುವುದು. ಸನ್ನಿಧಿಯವರ ಸುವರ್ಣಮಹೋತ್ಸವ ಸಮಾರಂಭವು ಜರುಗುವುದು, ಸನ್ನಿಧಿಯವರ ಮಾನವ ಧರ್ಮ ಗ್ರಂಥದ 6 ನೇ ಆವೃತ್ತಿಯನ್ನು ಬಿಡುಗಡೆಗೊಳಿಸಲಾಗುವುದು.

ಶ್ರೀ ಜ.ಅನ್ನದಾನೀಶ್ವರ ಪ್ರತಿಷ್ಠಾನ ಪುರಷ್ಕಾರ ಖ್ಯಾತ ನೇತ್ರ ತಜ್ಞ ಡಾ.ಸದಾನಂದ ಪಾಟ್ನೇ ಅವರಿಗೆ ಪ್ರದಾನ ಮಾಡಲಾಗುವುದು. ನಟರಾಜ ಹುಲಿಕಲ್ಲ ಇವರಿಂದ ಪವಾಡ ಬಯಲು ಕಾರ್ಯಕ್ರಮ ಜರುಗುವುದು. 18 ರಂದು ಬೆಳಗ್ಗೆ 10 ಕ್ಕೆ ಶ್ರೀ ಜ.ಅ.ವಿದ್ಯಾ ಸಮಿತಿ ಸಮಾವೇಶ ಹಾಗೂ ಪ್ರತಿಭಾ ಪುರಸ್ಕಾರ ಸಮಾರಂಭ ನಡೆಯುವುದು.ಅಧ್ಯಕ್ಷ ತೆಯನ್ನು ಅಂದಾನಪ್ಪ ಪಟ್ಟಣಶೆಟ್ಟರ ವಹಿಸುವರು. ರವಿ ಚೆನ್ನಣ್ಣವರ ಮುಖ್ಯ ಅತಿಥಿಗಳಾಗಿ ಭಾಗವಹಿಸುವರು. ಸಾಯಂಕಾಲ 4.30 ಕ್ಕೆ ಜಂಗಮೋತ್ಸವ ಹಾಗೂ ಹೂವಿನಶಿಗ್ಲಿ ವಿರಕ್ತಮಠದ ಗುರುಕುಲ ವಿದ್ಯಾರ್ಥಿಗಳಿಂದ ಮಲ್ಲಕಂಬ ಪ್ರದರ್ಶನ ನಂತರ ಸಂಜೆ 7 ಕ್ಕೆ ಹಾರ್ನಹಳ್ಳಿ ಡಾ.ಶಿವಾನಂದ ಶಿವಯೋಗಿಗಳು ಮತ್ತು ಕೊಪ್ಪಳದ ಜಗದ್ಗುರು ಅಭಿನವ ಗವಿಸಿದ್ದೇಶ್ವರ ಸಾನಿಧ್ಯದಲ್ಲಿ ಭಕ್ತಹಿತ ಚಿಂತನಾಗೋಷ್ಠಿ ಜರಗುವುದು. ದಿ.19 ರಂದು ಸಿದ್ದಲಿಂಗ ಸ್ವಾಮೀಜಿ ನೇತೃತ್ವದಲ್ಲಿ ಶಿವಾನುಭವ ಗೋಷ್ಠಿ ನಡೆಯುವುದು ಎಂದು ಹೇಳಿದರು.

ಪತ್ರಿಕಾಗೋಷ್ಠಿಯಲ್ಲಿ ಡಾ.ಎಂ.ಬಿ.ಬೆಳವಟಗಿಮಠ, ಎಸ್‌.ಬಿ.ಹಿರೇಮಠ ಮಾತನಾಡಿದರು. ಅಜ್ಜಣ್ಣ ಲಿಂಬಿಕಾರಿ, ರವೀಂದ್ರಗೌಡ ಪಾಟೀಲ, ಎನ್‌.ಎಫ್‌.ಅಕ್ಕೂರ, ಅಂದಪ್ಪ ಕುರಡಗಿ ಇತರರು ಉಪಸ್ಥಿತರಿದ್ದರು.

ಮುಂದಿನ ಲೇಖನ

Vijay Karnataka News App: ನಿಮ್ಮ ಸುತ್ತಮುತ್ತಲು ನಡೆಯುವ ವಿದ್ಯಮಾನಗಳನ್ನುಹಂಚಿಕೊಳ್ಳಲು ಬಯಸುತ್ತೀರಾ? ಹಾಗಿದ್ದಲ್ಲಿ ವಿಜಯ ಕರ್ನಾಟಕ ಆ್ಯಪ್‌ಡೌನ್‌ಲೋಡ್‌ ಮಾಡಿಕೊಳ್ಳಿ ಹಾಗೂ ರಿಪೋರ್ಟ್‌ ಕಳಿಸಿ
ಲೇಟೆಸ್ಟ್‌ ನ್ಯೂಸ್‌ ಅಪ್‌ಡೇಟ್‌ಗಳನ್ನು ಪಡೆಯಿರಿ, Vijay Karnataka ಫೇಸ್‌ಬುಕ್‌ಪೇಜ್‌ ಲೈಕ್‌ ಮಾಡಿರಿ