ಅಂಗಡಿಗಳ ಮೇಲೆ ದಾಳಿ,ಪ್ಲಾಸ್ಟಿಕ್‌ ವಶ

ನರಗುಂದ: ಪರಿಸರ ಹಾನಿಗೆ ಕಾರಣವಾಗುವ ಪ್ಲಾಸ್ಟಿಕ್‌ ಬಳಕೆ ನಿಷೇಧಿಸಿದ್ದರೂ ನಗರದ ಅಂಗಡಿಗಳಲ್ಲಿಪ್ಲಾಸ್ಟಿಕ್‌ ಚೀಲಗಳ ಬಳಕೆ ನಿಂತಿಲ್ಲ. ಇದನ್ನರಿತ ಪುರಸಭೆ ಅಧಿಕಾರಿಗಳು ಅಂಗಡಿಗಳ ಮೇಲೆ ದಾಳಿ ಮಾಡಿ ವ್ಯಾಪಾರಸ್ಥರಿಗೆ ದಂಡ ಹಾಕಿದ್ದಾರೆ.

ನಗರ ವ್ಯಾಪ್ತಿಯ ವ್ಯಾಪಾರ ಮಳಿಗೆಗಳು, ರಸ್ತೆ ಬದಿ ವ್ಯಾಪಾರಸ್ಥರು, ಎಗ್‌ರೈಸ್‌ ಅಂಗಡಿಗಳು, ಹೋಟೆಲ್‌ಗಳ ಮೇಲೆ ದಾಳಿ ಮಾಡಿದ ಪುರಸಭೆ ಜಾಗೃತ ತಂಡ ಸುಮಾರು 20 ಕೆಜಿ ಪ್ಲಾಸ್ಟಿಕ್‌ ವಶಪಡಿಸಿಕೊಂಡಿದ್ದು ಅಲ್ಲದೆ ವ್ಯಾಪಾರಸ್ಥರಿಗೆ 4ಸಾವಿರ ದಂಡ ವಿಧಿಸಿ ಎಚ್ಚರಿಕೆ ನೀಡಿದ್ದಾರೆ.

ನರಗುಂದ ವ್ಯಾಪ್ತಿಯಲ್ಲಿಪ್ಲಾಸ್ಟಿಕ್‌ ನಿಷೇಧಿಸಲಾಗಿದ್ದು ವ್ಯಾಪಾರಸ್ಥರು ಪ್ಲಾಸ್ಟಿಕ್‌ ಬಳಕೆ ಮಾಡಿದರೆ ದಂಡ ಕೊಡಬೇಕಾಗುತ್ತದೆ. ಹಿರಿಯ ಆರೋಗ್ಯ ನಿರೀಕ್ಷ ಸಂಗಮೇಶ ಬ್ಯಾಳಿ ನೇತೃತ್ವದಲ್ಲಿಕಿರಿಯ ಆರೋಗ್ಯ ನಿರೀಕ್ಷಕ ಎಚ್‌.ಎಲ್‌.ಲಿಂಗನಗೌಡ್ರ, ಮಹಾಂತೇಶ ಚಲವಾದಿ, ಮಾರುತಿ ದಂಡಾಪೂರ, ಮಹಾದೇವಪ್ಪ ಜೋಗಣ್ಣವರ, ಆನಂದ ದಿಬ್ಬದಮನಿ ಪಾಲ್ಗೊಂಡಿದ್ದರು.