ಬಕ್ರಿದ್‌ : ಶಾಂತಿ ಸಭೆ

ಗದಗ : ಬಕ್ರೀದ್‌ ಹಬ್ಬದ ಸಮಯದಲ್ಲಿ ಶಾಂತಿ- ಸುವ್ಯವಸ್ಥೆ ಕಾಪಾಡುವ ಉದ್ದೇಶದಿಂದ ಗದಗ ಶಹರ ಪೊಲೀಸ್‌ ಠಾಣೆಯಲ್ಲಿ ಶಾಂತಿಸಭೆ ಏರ್ಪಡಿಸಲಾಗಿತ್ತು.
ಶಹರ ಠಾಣೆ ಸಿಪಿಐ ಆರ್‌.ಎಫ್‌.ದೇಸಾಯಿ ಮಾತನಾಡಿ, ಬಕ್ರಿದ ದಾನ ಧರ್ಮದ ಹಬ್ಬವಾಗಿದ್ದು, ಆ ಸಮಯದಲ್ಲಿ ಹಿಂದೂ ಮುಸ್ಲಿಂ ಸಮಾಜದವರು ಒಟ್ಟಾಗಿ ಸೇರಿ ಶಾಂತರೀತಿಯಿಂದ ಹಬ್ಬ ಆಚರಿಸಬೇಕು. ಯಾವುದೇ ರೀತಿಯ ಕಾನೂನು ಬಾಹಿರ ಚಟುವಟಿಕೆಗಳು ಕಂಡುಬಂದಲ್ಲಿ ತಕ್ಷಣ ಪೊಲೀಸರಿಗೆ ಮಾಹಿತಿ ನೀಡಬೇಕು ಎಂದರು.

ಬಕ್ರೀದ ಹಬ್ಬವನ್ನು ಶಾಂತ ರೀತಿಯಿಂದ ಆಚರಿಸುವುದಾಗಿ ಗಣ್ಯರು ಭರವಸೆ ನೀಡಿದರು. ಆ. 12ರಂದು ಬೆಳಗ್ಗೆ 7.30ಕ್ಕೆ ಮುಳಗುಂದ ನಾಕಾ ಶಾಹಿ ಇದ್ಗಾದಲ್ಲಿ ಹಾಗೂ 9.30ಕ್ಕೆ ಡಂಬಳ ನಾಕಾ ಇದ್ಗಾದಲ್ಲಿ ಸಾಮೂಹಿಕ ಪ್ರಾರ್ಥನೆ ಸಲ್ಲಿಸುವುದಾಗಿ ತಿಳಿಸಿದರು.

ಪಿಎಸ್‌ಐ ಸೋಮೇಶ ಗೆಜ್ಜಿ, ರಾಮಣ್ಣ ಫಲದೊಡ್ಡಿ, ಎಸ್‌.ಎನ್‌. ಬಳ್ಳಾರಿ, ಅಕ್ಬರಸಾಬ ಬಬರ್ಚಿ, ಸೈಯದ ಖಾಲಿದ ಕೊಪ್ಪಳ, ಭಾಷಾ ಮಲ್ಲಸಮುದ್ರ, ಅಶೋಕ ಕುಡತಿನ್ನಿ, ಜೀವನಸಾಬ ನಮಾಜಿ, ಫಾರೂಕ ಹುಬ್ಬಳ್ಳಿ, ರಾಘವೇಂದ್ರ ಹಬೀಬ, ವಿಜಯ ಕಲ್ಮನಿ, ಸುರೇಶ ಹಾದಿಮನಿ, ಮುನ್ನಾ ರೇಶ್ಮಿ, ಬರಕತಅಲಿ ಮುಲ್ಲಾ, ಆನಂದ ಶಿಂಗಾಡಿ, ಪರಶುರಾಮ ಪೂಜಾರ ಇತರರು ಉಪಸ್ಥಿತರಿದ್ದರು.

ಈ ಸಂದರ್ಭದಲ್ಲಿ ಕರ್ತವ್ಯದಲ್ಲಿರುವಾಗ ಅಪಘಾತದಲ್ಲಿ ಮೃತಪಟ್ಟ ಕಿತ್ತೂರು ಪೊಲೀಸ್‌ ಠಾಣೆ ಪಿಎಸ್‌ಐ ವೀರಣ್ಣ ಲಟ್ಟಿ ಅವರ ಆತ್ಮಕ್ಕೆ ಶಾಂತಿ ಕೋರಿ ಶ್ರದ್ಧಾಂಜಲಿ ಸಲ್ಲಿಸಲಾಯಿತು.