ರಾಷ್ಟ್ರೀಯ ಕ್ಷಯರೋಗ ನಿಯಂತ್ರಣ ಕಾರ‍್ಯಕ್ರಮ

ಗದಗ: ಟಿಬಿ ರೋಗದ ಬಗ್ಗೆ ಮಾಹಿತಿ ತಿಳಿದುಕೊಳ್ಳುವುದು ಹಾಗೂ ರೋಗವನ್ನು ನಿಯಂತ್ರಣದಲ್ಲಿಡುವುದು ನಮ್ಮೆಲ್ಲರ ಹೊಣೆ ಆಗಿದೆ ಎಂದು ಆಧೀಕ್ಷಕಿ ನಾಗರತ್ನಮ್ಮ ವೈ.ಡಿ. ಹೇಳಿದರು.

ನಗರದ ಜಿಲ್ಲಾಉಪ ಕಾರಾಗೃಹ ಪರಿಷ್ಕೃತ ರಾಷ್ಟ್ರೀಯ ಕ್ಷಯರೋಗ ನಿಯಂತ್ರಣ ಕಾರ್ಯಕ್ರಮದಲ್ಲಿ ಅವರು ಮಾತನಾಡಿದರು.

ಸಂಯೋಜಕಿ ರೇಣುಕಾ ಪಿ. ಮಾತನಾಡಿ, ಸಕ್ರಿಯ ಟಿಬಿ ಪ್ರಕರಣಗಳನ್ನು ಕಂಡುಹಿಡಿಯುವ ಸರ್ವೇ ಆಂದೋಲನವನ್ನು ಡಿ.10 ರವರೆಗೆ ಏರ್ಪಡಿಸಲಾಗಿದೆ. ಸರಕಾರದಿಂದ ಹಮ್ಮಿಕೊಳ್ಳಲಾದ ಈ ಆಂದೋಲನದ ಸೌಲಭ್ಯವನ್ನು ಸಾರ್ವಜನಿಕರು ಪಡೆದುಕೊಂಡು ಅದನ್ನು ಯಶಸ್ವಿಗೊಳಿಸಲು ಸಹಕಾರ ನೀಡಬೇಕೆಂದು ಹೇಳಿದರು.

ಹಿರಿಯ ಚಿಕಿತ್ಸಾ ಮೇಲ್ವಿಚಾರಕ ಗಣೇಶ ಬಾಗಡೆ, ಉಪಕಾರಾಗೃಹದ ಜೈಲರ್‌ ಕೆ.ಎಸ್‌.ಮಾನ್ವಿ, ಡಾ.ಸುಜಾತಾ ಎಂ.ಜಿ., ಜಿಲ್ಲಾಕಾರ್ಯಕ್ರಮದ ಸಂಯೋಜಕ ಅಶ್ವತ್ಥರೆಡ್ಡಿ, ರಾಮಗಿರಿ, ಗುರುರಾಜ ಕೋಟ್ಯಾಳ, ಜೋಷಿ, ಮಂಜುಳಾ ಓಂಕಾರಿ, ಪ್ರವೀಣ ರಾಮಗಿರಿ ಇದ್ದರು.