ಬ್ಯಾಂಕ್‌ ನೌಕರರ ಕ್ರಿಕೆಟ್‌ ಟೂರ್ನಾಮೆಂಟ್‌

ಗದಗ: ಜಿಲ್ಲಾಬ್ಯಾಂಕ್‌ ನೌಕರರ ಸಂಘದಿಂದ ನಗರದ ವಿಡಿಎಸ್‌ಟಿಸಿ ಮೈದಾನದಲ್ಲಿಈಚೆಗೆ ಬ್ಯಾಂಕ್‌ ನೌಕರರ ಕ್ರಿಕೆಟ್‌ ಟೂರ್ನಾಮೆಂಟ್‌ ನಡೆಯಿತು.
ಜಿಲ್ಲೆಯ ರಾಷ್ಟ್ರೀಕೃತ ಬ್ಯಾಂಕ್‌ ನೌಕರರ ಒಟ್ಟು 10 ತಂಡಗಳು ಟೂರ್ನಾಮೆಂಟ್‌ನಲ್ಲಿಭಾಗವಹಿಸಿದ್ದವು. ಜಿಲ್ಲಾಬ್ಯಾಂಕ್‌ ನೌಕರರ ಸಂಘದ ಮಾಜಿ ಕಾರ್ಯದರ್ಶಿ ಎ.ಎಸ್‌. ಕುಲಕರ್ಣಿ, ಹಾಗೂ ಕೆವಿಜಿ ಬ್ಯಾಂಕ್‌ ನೌಕರರ ಸಂಘದ ಅಧ್ಯಕ್ಷ ಗಚ್ಚಿನಮಠ ಅವರು ಟೂರ್ನಮೆಂಟ್‌ಗೆ ಚಾಲನೆ ನೀಡಿದರು.

ಟೂರ್ನಾಮೆಂಟ್‌ನ ಫೈನಲ್‌ ಪಂದ್ಯದಲ್ಲಿಕೆವಿಜಿ-2 ತಂಡವು ಎಸ್‌ಬಿಐ ತಂಡವನ್ನು ಮಣಿಸಿ ಪ್ರಶಸ್ತಿ ತನ್ನದಾಗಿಸಿಕೊಂಡಿತು. ಎಸ್‌ಬಿಐ ಗದಗ ತಂಡ ರನ್ನರ್‌ ಅಪ್‌ ಪ್ರಶಸ್ತಿ ಪಡೆದುಕೊಂಡಿತು. ಬ್ಯಾಂಕ್‌ ನೌಕರರ ಸಂಘದ ಕಾರ್ಯದರ್ಶಿ ಹನುಮೇಶ ಗಂಗರಾಹುತರ ಹಾಗೂ ಅಧ್ಯಕ್ಷ ವೈ.ಎಸ್‌. ನಾಯಕ ವಿಜೇತ ತಂಡಕ್ಕೆ ಟ್ರೋಫಿ ವಿತರಿಸಿದರು.