ಭಜನೆ ಮುಕ್ತಾಯ ಸಮಾರಂಭ

ರೋಣ: ತಾಲೂಕಿನ ಚಿಕ್ಕಮಣ್ಣೂರ ಗ್ರಾಮದ ಮಾರುತೇಶ್ವರ ದೇವಸ್ಥಾನದಲ್ಲಿಶ್ರಾವಣ ಮಾಸದ ಭಜನೆ ಮುಕ್ತಾಯ ಹಿನ್ನೆಲೆಯಲ್ಲಿಶನಿವಾರ ಬೆಳಗ್ಗೆ ಅದ್ದೂರಿ ಕುಂಭ, ಕಳಸ ಮೆರವಣಿಗೆ ಹಾಗೂ ಭಜನೆ ಗ್ರಾಮದ ಪ್ರಮುಖ ಬೀದಿಗಳಲ್ಲಿನಡೆಯಿತು.

ಮಾರುತೇಶ್ವರ ದೇವಸ್ಥಾನದಿಂದ ಆರಂಭವಾದ ಮೆರವಣಿಗೆ ಕುಂಬಾರ ಓಣಿ, ಪತ್ರಿ ಬಸವೇಶ್ವರ ಓಣಿ, ಆಶ್ರಯ ಕಾಲೊನಿ ಮೂಲಕ ಮಧ್ಯಾಹ್ನ ದೇವಸ್ಥಾನ ತಲುಪಿತು. ಮೆರವಣಿಗೆಗೆ ಮಹಿಳೆಯರ ಡೊಳ್ಳು ಕುಣಿತ, ವಿವಿಧ ಜನಪದ ಕಲಾ ಪ್ರಕಾರಗಳು ಮೆರಗು ತಂದವು. ದೇವರಿಗೆ ರುದ್ರಾರಾಭಿಷೇಕ ನಂತರ ಮಹಾಪ್ರಸಾದ ವಿತರಣೆ ಸಹ ನಡೆಯಿತು.