ಬಿಎಸ್‌ಎನ್‌ಎಲ್‌ ನಿವೃತ್ತ ನೌಕರರ ಸಭೆ

ಗದಗ: ನಗರದ ದೂರವಾಣಿ ಕೇಂದ್ರ ಕಚೇರಿ ಆವರಣದಲ್ಲಿ ಬಿಎಸ್‌ಎನ್‌ಎಲ್‌ನಲ್ಲಿ ಸೇವೆ ಸಲ್ಲಿಸಿ ನಿವೃತ್ತರಾದ ನೌಕರರ ಜಿಲ್ಲಾ ಮಟ್ಟದ ಸಮ್ಮೇಳನ ಹಾಗೂ ನಿವೃತ್ತ ನೌಕರರ ಸಭೆ ನಡೆಯಿತು. ರಾಜ್ಯ ಮಟ್ಟದ ವಲಯ ಕಾರ್ಯದರ್ಶಿ ಜಿ. ಜಿ. ಪಾಟೀಲ, ಮುದ್ದಯ್ಯ, ಪ್ರಕಾಶ ಪುರದ ಆಗಮಿಸಿದ್ದರು. ನೌಕರರ ಸಮಸ್ಯೆ ಮತ್ತು ನಿವೃತ್ತಿ ವೇತನ ವಿಮರ್ಶೆ ಇತ್ಯಾದಿ ಬಗ್ಗೆ ಸುದೀರ್ಘ ಚರ್ಚೆ ಮಾಡಲಾಯಿತು. ಮುಂದಿನ ವರ್ಷ ಫೆಬ್ರವರಿಯಲ್ಲಿ ನಡೆಯುವ ಕೋಲ್ಕತಾ ಸಮ್ಮೇಳನಕ್ಕೆ ಪ್ರತಿನಿಧಿ ಆಯ್ಕೆ ಬಗ್ಗೆ ನಿರ್ಧರಿಸಲಾಯಿತು. ಇದೇ ವೇಳೆ ನೂತನ ಪದಾಧಿಕಾರಿಗಳ ಆಯ್ಕೆ ಮಾಡಲಾಯಿತು.

ಅಧ್ಯಕ್ಷ ರಾಗಿ ಟಿ.ಎಲ್‌. ಬೇಲೂರ, ಕಾರ್ಯದರ್ಶಿಯಾಗಿ ಬಿ.ಎಲ್‌. ಪತ್ತಾರ, ಕೋಶಾಧ್ಯಕ್ಷ ರಾಗಿ ಎಸ್‌.ಎಸ್‌. ಕುಲಕರ್ಣಿ ಅವರನ್ನು ಆಯ್ಕೆ ಮಾಡಲಾಯಿತು.

ಬ್ಯಾಳಿ, ಎಸ್‌.ಎಂ. ಬಳ್ಳಾರಿ, ದೊಡ್ಡಮನಿ, ಕೊಟಗಿ, ಬಣಕಾರ, ಗೋಡಿ, ನಮಾಜಿ, ಸುಲಾಖೆ, ತಳವಾರ, ಉಪ್ಪಿನಬೆಟಗೇರಿ, ಪತ್ತಾರ, ಪುರದ, ಬಾರಕೇರ, ಮುಲ್ಲಾ ಜಂತ್ಲಿ ಇದ್ದರು. ರೇಣುಕಾ ಬಣಕಾರ ಪ್ರಾರ್ಥಿಸಿದರು. ಯು.ಎಂ. ಪುರದ ನಿರೂಪಿಸಿದರು.ಬೇಲೂರ ವಂದಿಸಿದರು.