ಬುದ್ದನ ವಿಚಾರ ಮಾನವೀಯತೆ ಮಹಾಮಾರ್ಗ

ಗದಗ : ಬುದ್ದ- ಬಸವ-ಅಂಬೇಡ್ಕರ ಇವರೆಲ್ಲ ಮಹಾಚೇತನರು ಅವರ ತತ್ವ ಸಿದ್ಧಾಂತಗಳನ್ನು ಅರಿತುಕೊಳ್ಳಬೇಕಾಗಿದೆ. ಬುದ್ಧ ಜಗದ ಬೆಳಕು, ಬುದ್ದತ್ವ ಅರಿತು ಅರಗಿಸಿಕೊಂಡವರಿಗೆ ಮಾತ್ರ ಬುದ್ಧ ಸಿಗಬಲ್ಲ ಎಂದು ಚಿತ್ರಕಲಾವಿದ ವಿಜಯ ಕಿರೇಸೂರು ಹೇಳಿದರು.

ನಗರದ ತೋಂಟದಾರ್ಯ ಮಠದ ಡಾ.ಎಂ.ಎಂ.ಕಲಬುರ್ಗಿ ಸಂಶೋಧನಾ ಕೇಂದ್ರದ ನಿರಂಜನ ಸಭಾಂಗಣದಲ್ಲಿ ದಲಿತ ಸಾಹಿತ್ಯ ಪರಿಷತ್‌ ರಾಜ್ಯ ಘಟಕ ಮತ್ತು ಜಿಲ್ಲಾ ಘಟಕದಿಂದ ಏರ್ಪಡಿಸಿದ ಭಗವಾನ ಗೌತಮ ಬುದ್ಧ ಜಯಂತಿ ನಿಮಿತ್ತ ನಡೆದ ಬುದ್ಧ ಕಾವೋ ಸಮಾರಂಭವನ್ನು ಬುದ್ಧನ ಚಿತ್ರಬಿಡಿಸಿ, ಗೌತಮನ ಭಾವಚಿತ್ರಕ್ಕೆ ಮೇಣದಬತ್ತಿ ಹೊತ್ತಿಸಿ ಬೆಳಗುವುದರ ಮೂಲಕ ಉದ್ಘಾಟಿಸಿ ಮಾತನಾಡಿದರು. ಅರ್ಥವಾಗಬಲ್ಲ. ಬುದ್ಧನನ್ನು ಕಾವ್ಯ-ಚಿತ್ರ-ಕಥೆ-ಕಾದಂಬರಿಯಲ್ಲಿ ಹಿಡಿದಿಡಲು ಸಾಧ್ಯವಿಲ್ಲ ಎಂದು ಯುವ ಬುದ್ಧನ ಪ್ರೀತಿ, ಕರುಣೆ, ಶಾಂತಿ, ತ್ಯಾಗ ಪ್ರತಿಯೊಬ್ಬರಿಗೂ ಅತ್ಯವಶ್ಯ ಎಂದರು. ಬುದ್ಧಮಾರ್ಗ, ಬಸವ ಮಾರ್ಗ ಬೇರೆ ಅಲ್ಲ. ಎಲ್ಲ ಮಾನವೀಯತೆಯ ಮಹಾಮಾರ್ಗ ಎಂದು ಬುದ್ಧನ ಬಗೆಗಿನ ಕವಿತೆ ಓದಿದರು.

ಸಾಹಿತಿ ಡಾ.ವೈ.ಎಂ.ಭಜಂತ್ರಿ ಮಾತನಾಡಿ, ಬುದ್ಧ ಬೆಳಕು ನಮ್ಮ ಬಾಳ ಬೆಳಕಾಗಬೇಕು. ಆಸೆ, ವ್ಯಾಮೋಹ ತೊರೆಯುವವರಿಗೆ ಬುದ್ಧನ ಮಾರ್ಗ ಅತ್ಯಂತ ಮಹತ್ವದ್ದು ಎಂದರು. ನಂತರ ನಡೆದ ಕವಿಗೋಷ್ಠಿಯಲ್ಲಿ ವಸಂತ ಮಲ್ಲಾಪೂರ, ಅನಸೂಯಾ ಮಟ್ಟಿ, ನೀಲಮ್ಮ ಅಂಗಡಿ, ಎಸ್‌.ಎಸ್‌. ಸ್ಥಾವರಮಠ, ಎಂ.ಎಸ್‌.ಮುದಕನಗೌಡರ, ಪಿ.ಆರ್‌. ಹಿರೇಮಠ, ಎಂ.ಡಿ,ಮಾದರ, ಮಂಜುಳಾ ವೆಂಕಟೇಶಯ್ಯ, ಶಾರದಾ ಬಾಣದ, ವಿನಾಯಕ ಕಮತದ, ಆಸಿಫ್‌ ನಮಾಜಿ ಮುಂತಾದವರು ಬುದ್ಧನ ಕುರಿತು ಕವಿತೆ ಓದಿದರು.

ದಸಾಪ ರಾಜ್ಯಾಧ್ಯಕ್ಷ ಡಾ.ಎಚ್‌.ಬಿ.ಕೋಲ್ಕಾರ ಅಧ್ಯಕ್ಷ ತೆ ವಹಿಸಿ, ಬುದ್ಧನ ನೆಲದಲ್ಲಿ ಪ್ರೀತಿ, ಕರುಣೆ, ಶಾಂತಿ ಎಂದೂ ಬತ್ತದಿರಲಿ, ಬುದ್ಧ-ಬಸವ-ಅಂಬೇಡ್ಕರ ತತ್ವಭಾರತಕ್ಕೆ ಇಂದು-ಮುಂದು ಕೂಡ ಅಗತ್ಯ ಎಂದರು. ಡಾ.ಎಂ.ಎಂ. ಕಲಬುರ್ಗಿ ಸಂಶೋಧನಾ ಕೇಂದ್ರದ ಸಂಯೋಜನಾಧಿಕಾರಿ ಡಾ.ಅರ್ಜುನ ಗೊಳಸಂಗಿ, ಡಿ.ಎಚ್‌. ಮಲ್ಲೇಶಿ, ಶಿವು ಭಜಂತ್ರಿ, ಶಿವಾನಂದ ಕೊಟಗಾರ, ಆರ್‌.ಸಿ.ಹಿರೇಮಠ , ಶ್ರದ್ಧಾ ಬೆಳದಡಿ ಇದ್ದರು.ಎಸ್‌.ಎಸ್‌.ದೊಡ್ಡಮನಿ ಪ್ರಾರ್ಥಿಸಿದರು. ದಸಾಪ ಜಿಲ್ಲಾಧ್ಯಕ್ಷ ಈರಣ್ಣ ಮಾದರ ಸ್ವಾಗತಿಸಿದರು. ಎಂ.ಡಿ.ಮಾದರ ನಿರೂಪಿಸಿ, ವಂದಿಸಿದರು.