ಬಸ್‌ ದರ ಏರಿಕೆ: ಇಂದು ಮನವಿ ಸಲ್ಲಿಕೆ

ಮುಂಡರಗಿ: ಮುಂಡರಗಿ -ಗದಗ ಮಾರ್ಗದ ಬಸ್‌ ದರ 40 ರಿಂದ 47 ರೂ.ಗೆ ಏರಿಸಿದ ಕ್ರಮ ವಿರೋಧಿಸಿ ಜ.24 ರಂದು ಬೆಳಗ್ಗೆ 10.30 ಕ್ಕೆ ತಹಸೀಲ್ದಾರರಿಗೆ ನಾಗರಿಕರು ವಿವಿಧ ಸಂಘಟನೆಗಳ ಆಶ್ರಯದಲ್ಲಿಮನವಿ ಸಲ್ಲಿಸಲಾಗುವುದು ಎಂದು ತಾಲೂಕು ಅಬಿವೃದ್ಧಿ ಹೋರಾಟ ವೇದಿಕೆ ಅಧ್ಯಕ್ಷ ವೈ.ಎನ್‌.ಗೌಡರ ತಿಳಿಸಿದ್ದಾರೆ.

ಈ ಕುರಿತು ಸುದ್ದಿಗಾರರ ಜತೆಗೆ ಮಾತನಾಡಿದ ಅವರು ಟೋಲ್‌ನಲ್ಲಿಸಾರಿಗೆ ಬಸ್ಸಿಗೆ ಹೆಚ್ಚುವರಿ ಹಣ ಪಡೆದುಕೊಳ್ಳುತ್ತಿದ್ದು, ಇದರ ಹೊರೆಯನ್ನು ಸಾರಿಗೆ ಸಂಸ್ಥೆ ಪ್ರಯಾಣಿಕರ ಮೇಲೆ ಹಾಕುತ್ತಿರುವದು ಅವೈಜ್ಞಾನಿಕ ಹೀಗಾಗಿ ಈ ಬಗ್ಗೆ ಮನವಿ ಸಲ್ಲಿಸಲಾಗುವುದು ವಾರದೊಳಗೆ ಮೊದಲಿನ ಬಸ್‌ ದರ ನಿಗದಿಗೊಳಿಸಬೇಕು, ಇಲ್ಲವಾದರೆ ಟೋಲ್‌ ನಾಕಾ ಬಳಿ ಹೋರಾಟ ಹಮ್ಮಿಕೊಳ್ಳಲಾಗುವುದು ಎಂದಿದ್ದಾರೆ.