ಹೊಳೆಆಲೂರಿನಲ್ಲಿ ಬಾಲಕಾರ್ಮಿಕರು ವಶಕ್ಕೆ

ಹೊಳೆಆಲೂರ : ಮಕ್ಕಳನ್ನು ಶಾಲೆಗೆ ಕಳಿಸದೇ ಅವರನ್ನು ದುಡಿಮೆಗೆ ತೊಡಗಿಸುವುದು ಕಾನೂನು ಪ್ರಕಾರ ಅಪರಾಧವಾಗಿದ್ದು ಈ ಬಗ್ಗೆ ಪಾಲಕರು ಹಾಗೂ ಕೆಲಸ ಮಾಡಿಸಿಕೊಳ್ಳುವವರು ಎಚ್ಚರದಿಂದ ಇರಬೇಕು ಇಲ್ಲವಾದಲ್ಲಿ ಶಿಕ್ಷೆ ಹಾಗೂ ದಂಡ ತಪ್ಪಿದ್ದಲ್ಲ ಎಂದು ಕಾರ್ಮಿಕ ಇಲಾಖೆ ನಿರೀಕ್ಷ ಕಿ ಸಂಗೀತಾ ಬೆನಕೊಪ್ಪ ಹೇಳಿದರು.

ಅವರು ಹೊಳೆಆಲೂರಿನಲ್ಲಿ ಗದುಗಿನ ಮಕ್ಕಳ ಸಹಾಯವಾಣಿ ಕೇಂದ್ರ, ಕಾರ್ಮಿಕ ಇಲಾಖೆ, ಸ್ಥಳೀಯ ಆರಕ್ಷ ಕ ಠಾಣೆ ಪೊಲೀಸರ ನೇತೃತ್ವದಲ್ಲಿ ಹೊಟೆಲ್‌, ಎಗ್‌ ರೈಸ್‌ ಅಂಗಡಿ, ಐಸ್ಕ್ರೀಮ್‌ ಮಾರಾಟ ಮಾಡುವವರು ಮುಂತಾದ ಕಡೆ ಭೇಟಿ ನೀಡಿ ಅಲ್ಲಿ ಅಪ್ರಾಪ್ತ ಮಕ್ಕಳು ಕೆಲಸ ಮಾಡುವುದನ್ನು ಪತ್ತೆ ಹಚ್ಚಿ ವಿಚಾರಣೆಯಲ್ಲಿ ಈ ಕುರಿತು ಮಾತನಾಡಿದರು.

ಗದುಗಿನ ಮಕ್ಕಳ ಸಹಾಯವಾಣಿ ಕೇಂದ್ರದ ಸಂಯೋಜಕ ಸೂರಜ್‌ ಮಾಯೇಕರ ಮಾತನಾಡಿ, ಜಿಲ್ಲೆಯಲ್ಲಿ ಬಾಲ ಕಾರ್ಮಿಕರ ಬಗ್ಗೆ ಅನೇಕ ದೂರುಗಳು ಬಂದ ಹಿನ್ನೆಲೆಯಲ್ಲಿ ಪರಿಶೀಲನೆ ಮಾಡುತ್ತಿದ್ದೇವೆ ಎಂದರು. ಹಠಾತ್‌ ಭೇಟಿ ಸಂದರ್ಭದಲ್ಲಿ ವರ್ಧನ, ಅಜಯಕುಮಾರ, ಸಾದಿಕ್‌, ಪ್ರವೀಣ, ಬಸವರಾಜ ಎಂಬ ಬಾಲಕರನ್ನು ವಶಕ್ಕೆ ಪಡೆದು ವಿಚಾರಣೆಗೆ ಗದಗಕ್ಕೆ ಕರೆದುಕೊಂಡು ಹೋದರು.

ಇಲಾಖೆಯ ಬಿ.ಎಫ್‌. ಬಂತಿ, ಸಹಾಯವಾಣಿ ಕೇಂದ್ರದ ಶಿವಾನಂದ ಹೊಸಳ್ಳಿ, ಆರಕ್ಷ ಕ ಠಾಣೆಯ ವಿ. ಎಸ್‌. ಹುಲ್ಲೂರ, ಹೆರಕಲ್ಲ, ಎಂ.ವಿ. ಅಲ್ಲಿಪುರ ಮುಂತಾದವರು ಉಪಸ್ಥಿತರಿದ್ದರು.