ರಂಗು ರಂಗಿನ ಹೋಳಿ

ಗಜೇಂದ್ರಗಡ : ಪಟ್ಟಣದಲ್ಲಿ ಬಿಸಿಲಿನ ಪ್ರಖರತೆ, ಬರ ಜತೆಗೆ ನೀರು ಅಭಾವ ಮಧ್ಯೆ ಶುಕ್ರವಾರ ಹೋಳಿ ಹಬ್ಬ ಪ್ರಯುಕ್ತ ಕಾಮಣ್ಣ ಸುಟ್ಟು ಪರಸ್ಪರ ಬಣ್ಣ ಎರಚಿ ಸೌಹಾರ್ದದಿಂದ ಹೋಳಿ ಆಚರಿಸಲಾಯಿತು.

ಬೆಳಗ್ಗೆ ನಾನಾ ಬಡಾವಣೆಯಲ್ಲಿ ಸಾರ್ವಜನಿಕ ಪ್ರತಿಷ್ಠಾಪಿಸಿದ ರತಿ, ಕಾಮಣ್ಣರ ಪೂಜೆ ನೆರವೇರಿಸಿ, ಕಾಮದಹನ ಮಾಡಿದರು. ಯುವಕರು ಹಲಿಗೆ ಬಾರಿಸುತ್ತ ಪರಸ್ಪರ ಬಣ್ಣ ಎರಚಿ ಸಂಭ್ರಮಿಸಿದರು. ಹೆಚ್ಚಾಗಿ ನೇಕಾರ ಕುಟುಂಬದ ಮಹಿಳೆಯರು, ಮಕ್ಕಳು ಹಿರಿಯರು ಸೇರಿ ಹರ್ಷದಿಂದ ಓಕ ಳಿಯಲ್ಲಿ ಪಾಲ್ಗೊಂಡಿದ್ದು ವಿಶೇಷವಾಗಿತ್ತು. ಓಣಿಯಲ್ಲಿ ಪಾರಂಪರಿಕವಾಗಿ ಪ್ರತಿಸ್ಠಾಪಿತ ಕಾಮಣ್ಣನ ಮೆರವಣಿಗೆ ನಡೆಯಿತು.

ಹೋಳಿ ಹಬ್ಬ ಆಚರಿಸದ ಗ್ರಾಮಸ್ಥರು:

ಸಮೀಪದ ಸುಕ್ಷೇತ್ರ ಕಾಲಕಾಲೇಶ್ವರ, ಬೈರಾಪುರ, ರಾಜೂರ, ಬೈರಾಪುರ ತಾಂಡಾ, ಲಕ್ಕಲಕಟ್ಟಿ, ದಿಂಡೂರ, ಗೋಗಾರಿ, ನಾಗೇಂದ್ರಗಡ, ಮುಶಿಗೇರಿ ಗ್ರಾಮಸ್ಥರು ಹೊಳಿ ಹಬ್ಬ ಆಚರಿಸಲಿಲ್ಲ.

ಆಚರಿಸಿದರೆ ಗ್ರಾಮಗಳ ಮೇಲೆ ದುಷ್ಪರಿಣಾಮ ಬೀರುತ್ತದೆ ಎಂಬ ನಂಬಿಕೆಯಿಂದ ಇಂದಿಗೂ ಹೋಳಿ ಹಬ್ಬ ಆಚರಿಸದೇ ದೂರ ಉಳಿದರು.