ವಸತಿ ನಿರ್ಮಾಣ ಬೇಗ ಮುಗಿಸಿ

ಗದಗ: ಯೋಜನೆಗಳು ಯಶಸ್ವಿಯಾಗಲು ಕೆಳಮಟ್ಟದಿಂದ ಮೆಲ್ಪಟ್ಟದವರೆಗೆ ಯೋಜನಾ ಕಾರ್ಯಾಗಾರಗಳ ರೂಪರೇಷೆ ತುಂಬಾ ಅಗತ್ಯ ಎಂದು ಶಾಸಕ ಎಚ್‌.ಕೆ.ಪಾಟೀಲ ಹೇಳಿದರು.

ಶನಿವಾರ ಜಿಪಂ ಸಭಾಂಣಗಣದಲ್ಲಿ ನಡೆದ ಸುದ್ದಿಗೋಷ್ಠಿಯಲ್ಲಿ ಮಾತನಾಡಿ, ಜಿಲ್ಲೆ ಬಯಲು ಬಹಿರ್ದೆಸೆ ಮುಕ್ತ ಜಿಲ್ಲೆಯಾಗಬೇಕು ಅ.2ರೊಳಗಾಗಿ ಶೌಚಾಲಯವನ್ನು ಬಳಸುವುದರ ಜತೆಗೆ ಸ್ವಚ್ಛತೆ ಕಾಪಾಡಬೇಕು. ಗ್ರಾಮೀಣ ಪ್ರದೇಶದಲ್ಲಿ ಗದಗ ತಾಲೂಕಿಗೆ ತುಂಗಾಭದ್ರ ನದಿಯಿಂದ ನೀರು ಪೂರೈಕೆ ಸಂಬಂಧಿಸಿದಂತೆ ಪ್ರತಿ ಕುಟುಂಬಕ್ಕೆ ನಳದ ವ್ಯವಸ್ಥೆ ಜೋಡನೆ ಮಾಡಿ ಕೆಲಸ ಪೂರ್ಣಗೊಳಿಸಬೇಕು. ಮಾ. 16 ರೊಳಗಾಗಿ ಗ್ರಾಮೀಣ ಭಾಗದ ಎಲ್ಲ ವಸತಿ ರಹಿತರಿಗೆ ವಸತಿ ನಿರ್ಮಾಣ ಮಾಡಿ ಆ.15 ರೊಳಗಾಗಿ ಮನೆ ಕಟ್ಟು ಕೆಲಸ ಪೂರ್ಣವಾಗಬೇಕು. ಜಿಪಂ ಅಧಿಕಾರಿಗಳು ಸಂಪೂರ್ಣವಾಗಿ ಕೆಲಸ ಮಾಡಲು ಮುಂದಾಗಬೇಕು. ಶಾಲಾ ಮಕ್ಕಳ ನೊಂದಣಿ ಮಾಡಲು ವಿಶೇಷ ಪ್ರತಿನಿಧಿಗಳನ್ನು ನೇಮಕ ಮಾಡಬೇಕು. ಸ್ವಚ್ಛತೆ, ಆರೋಗ್ಯ, ಸಾಲದ ವ್ಯವಸ್ಥೆ, ಕೃಷಿಯ ಬಗ್ಗೆ ಬೀಜ ವಿತರಣೆ ಮಾಡಬೇಕು ಎಂದರು.