ವೈದ್ಯರ ಮೇಲಿನ ಹಲ್ಲೆಗೆ ಖಂಡನೆ

ಗದಗ : ಕೋಲ್ಕತ್ತಾದ ಎನ್‌.ಆರ್‌.ಎಸ್‌ ಮೆಡಿಕಲ್‌ ಆಸ್ಪತ್ರೆಯಲ್ಲಿ ಕಿರಿಯ ವೈದ್ಯರೊಬ್ಬರ ಮೇಲೆ ಮೃತ ರೋಗಿಯ ಕುಟುಂಬದವರು ದಾಳಿ ನಡೆಸಿದ್ದನ್ನು ಪ್ರತಿಭಟಿಸಿ, ಗದಗ ಐಎಂಎ ಸಭಾಂಗಣದಲ್ಲಿ ಐಎಂಎ ಪದಾಧಿಕಾರಿಗಳು, ಸದಸ್ಯರು ಮೇಣದ ಬತ್ತಿ ಬೆಳಗಿಸಿ ಪ್ರತಿಭಟನೆ ನಡೆಸಿದರು.

ಇನ್ನರ್‌ವ್ಹೀಲ್‌ ಕ್ಲಬ್‌ ಸದಸ್ಯರೂ ಸಹ ವೈದ್ಯರ ಮೇಲಿನ ಹಲ್ಲೆ ಖಂಡಿಸಿ ದೀಪ ಬೆಳಗಿಸಿದರು. ಹಲ್ಲೆ ಖಂಡಿಸಿ ಜೂ.17ರಂದು ಬೆಳಗ್ಗೆ 6ರಿಂದ ಜೂ. 18ರ ಬೆಳಗಿನ 6 ಗಂಟೆ ವರೆಗೆ ತುರ್ತು ಸೇವೆ ಹೊರತುಪಡಿಸಿ ವೈದ್ಯಕೀಯ ಸೇವೆ ಬಂದ್‌ ಮಾಡಿ ಪ್ರತಿಭಟನೆ ನಡೆಸಲಾಗುವುದು ಎಂದು ಗದಗ ಐಎಂಎ ತಿಳಿಸಿದೆ.