ಕೊರೊನಾ ಲಾಕ್ ಡೌನ್ ಎಫೆಕ್ಟ್: ಗದಗದಲ್ಲಿ ಮೆಣಸಿನಕಾಯಿ ಬೆಳೆ ನಾಶ ಮಾಡಿ ಕುರಿ ಮೇಯಿಸಿದ ರೈತ

ಗದಗ: ಹೊಲದಲ್ಲಿ ಬೆಳೆದ ಗಿಡ್ಡ ಮೆಣಸಿನಕಾಯಿಗೆ ತಗುಲಿದ ಮುರುಟು ರೋಗಕ್ಕೆ ಸಕಾಲದಲ್ಲಿ ಔಷಧ ಸಿಗದೆ ಮತ್ತು ಫಸಲು ಮಾರಾಟ ವ್ಯವಸ್ಥೆ ಇಲ್ಲದೆ ಕಂಗಾಲಾದ ರೈತರೊಬ್ಬರು ಮೆಣಸಿನಕಾಯಿಯನ್ನು ನಾಶಪಡಿಸಿದ್ದಾರೆ.

ರೈತ ಬಸವರಾಜ ಪರಪ್ಪ ಕುಂಬಾರ ತಮ್ಮ 2 ಎಕರೆ ಜಮೀನಿನಲ್ಲಿ ಗಿಡ್ಡಮೆಣಸಿನಕಾಯಿ ಬೆಳೆದಿದ್ದರು. ಲಾಕ್‌ಡೌನ್‌ ಸಮಸ್ಯೆಯಿಂದ ಬೆಳೆಗೆ ಸೂಕ್ತ ಮಾರುಕಟ್ಟೆ ಸಿಗಲಿಲ್ಲ. ಅಲ್ಲದೇ ರೋಗ ಕಾಣಿಸಿಕೊಂಡ ಹಿನ್ನೆಲೆಯಲ್ಲಿ ಸೂಕ್ತ ಔಷಧ ದೊರೆಯದೆ ಬೆಳೆಯನ್ನು ನಾಶಪಡಿಸಿ ಮೇಯಲು ಕುರಿ ಹಿಂಡು ಬಿಟ್ಟಿದ್ದಾರೆ.

ಈ ಬಗ್ಗೆ ರೋಣ ತೋಟಗಾರಿಕೆ ಇಲಾಖೆ ಸಹಾಯಕ ನಿರ್ದೇಶಕ ಎಂ.ಎಂ. ತಾಂಬೂಟಿ ಪ್ರತಿಕ್ರಿಯಿಸಿ, ''ಲಾಕ್‌ಡೌನ್‌ನಿಂದ ತಾಲೂಕಿನ ರೈತರ ಬೆಳೆಗಳಿಗೆ ಮಾರುಕಟ್ಟೆಯಲ್ಲಿ ಸೂಕ್ತ ಬೆಲೆ ಸಿಗದೆ ತೊಂದರೆ ಅನುಭವಿಸಿದ್ದಾರೆ. ಇದಕ್ಕಾಗಿ ಕೋವಿಡ್‌-19 ಪರಿಹಾರ ಯೋಜನೆಯಡಿಯಲ್ಲಿ ರೈತರಿಗೆ ಪರಿಹಾರ ಒದಗಿಸಲಾಗುತ್ತದೆ'' ಎಂದರು.