ಮಳೆಯಿಂದ ಮನೆಗಳಿಗೆ ಹಾನಿ,ತಹಸೀಲ್ದಾರ್‌ ಭೇಟಿ

ಮುಳಗುಂದ: ಕಳೆದ ಎರಡು ದಿನಗಳ ಹಿಂದೆ ಸುರಿದ ಭಾರಿ ಮಳೆಯ ಪರಿಣಾಮ ಪಟ್ಟಣ ಹಾಗೂ ಸುತ್ತ-ಮುತ್ತಲಿನ ಗ್ರಾಮಗಳ ಹಾನಿಗೀಡಾದ ಮನೆಗಳಿಗೆ ಗದಗ ತಹಸೀಲ್ದಾರ್‌ ಶ್ರೀನಿವಾಸ್‌ ಮೂರ್ತಿ ಕುಲಕರ್ಣಿ ಭೇಟಿ ನೀಡಿ ಪರಿಶೀಲಿಸಿದರು.

ನಂತರ ಮಾಹಿತಿ ನೀಡಿದ ತಹಸೀಲ್ದಾರ, ಎನ್‌ಡಿಆರ್‌ಎಫ್‌ ಪ್ರಕಾರ ಹಾನಿಗಿಡಾದ ಮನೆಗಳಿಗೆ ಪರಿಹಾರ ನೀಡಲಾಗುವುದು ಎಂದರು.ಮುಳಗುಂದ ಪಪಂ ಮುಖ್ಯಾಧಿಕಾರಿ ಎಂ.ಎಸ್‌.ಬೆಂತೂರ, ಕಂದಾಯ ನಿರೀಕ್ಷಕ ಎಸ್‌. ಎಸ್‌ .ಪಾಟೀಲ್‌ ಗ್ರಾಮಲೆಕ್ಕಾಧಿಕಾರಿ ಎನ್‌.ಸಿ.ಕಂಪ್ಲಿಕೊಪ್ಪ, ಪಪಂ ಸದಸ್ಯರಾದ ಮಹಾಂತಪ್ಪ ನೀಲಗುಂದ, ಮಹಾದೇವಪ್ಪ ಗಡಾದ ಇದ್ದರು.