ಆ್ಯಪ್ನಗರ

ಹಾನಗಲ್‌ ಶ್ರೀ ಸಿನಿಮಾ ಮಾಡಲು ನಿರ್ಧಾರ

ಲಕ್ಷ್ಮೇಶ್ವರ : ನಗರಗಳು ಬೆಳೆಯುತ್ತ ಹೋದಂತೆ ಅವಗಳಿಗೆ ಎಲ್ಲ ಸೌಕರ್ಯ, ಸೌಲಭ್ಯ ದೊರಕುತ್ತದೆ. ಆದರೆ ಕನ್ನಡ ಭಾಷೆ ರಕ್ಷ ಣೆ ವಿಚಾರದಲ್ಲಿ ಹಿನ್ನಡೆ ಕಾಣುತ್ತಿದ್ದೇವೆ. ಇಂದು ಗಟ್ಟಿಯಾದ ಕನ್ನಡ ಉಳಿದಿರುವುದು ಉತ್ತರ ಕರ್ನಾಟಕದಲ್ಲಿ ಮಾತ್ರ ಎಂದು ಸಂಗೀತ ದಿಗ್ಗಜ ಹಂಸಲೇಖಾ ಹೇಳಿದರು.

Vijaya Karnataka 8 Jul 2019, 5:00 am
ಲಕ್ಷ್ಮೇಶ್ವರ : ನಗರಗಳು ಬೆಳೆಯುತ್ತ ಹೋದಂತೆ ಅವಗಳಿಗೆ ಎಲ್ಲ ಸೌಕರ್ಯ, ಸೌಲಭ್ಯ ದೊರಕುತ್ತದೆ. ಆದರೆ ಕನ್ನಡ ಭಾಷೆ ರಕ್ಷ ಣೆ ವಿಚಾರದಲ್ಲಿ ಹಿನ್ನಡೆ ಕಾಣುತ್ತಿದ್ದೇವೆ. ಇಂದು ಗಟ್ಟಿಯಾದ ಕನ್ನಡ ಉಳಿದಿರುವುದು ಉತ್ತರ ಕರ್ನಾಟಕದಲ್ಲಿ ಮಾತ್ರ ಎಂದು ಸಂಗೀತ ದಿಗ್ಗಜ ಹಂಸಲೇಖಾ ಹೇಳಿದರು.
Vijaya Karnataka Web decision to make hanagal sri cinema
ಹಾನಗಲ್‌ ಶ್ರೀ ಸಿನಿಮಾ ಮಾಡಲು ನಿರ್ಧಾರ


ಅವರು ತಾಲೂಕಿನ ಬಾಲೇಹೊಸೂರು ದಿಂಗಾಲೇಶ್ವರಮಠಕ್ಕೆ ಭೇಟಿ ನೀಡಿದ್ದ ಸಂದರ್ಭದಲ್ಲಿ ಅವರನ್ನು ದಿಂಗಾಲೇಶ್ವರ ಶ್ರೀಗಳಿಂದ ಸತ್ಕಾರ ಪಡೆದು ಮಾತನಾಡಿದರು. ಈ ಭಾಗದಲ್ಲಿ ನಡೆದಾಡುವ ದೇವರೆಂದು ಹೆಸರಾಗಿದ್ದ ಹಾನಗಲ್‌ ಕುಮಾರಸ್ವಾಮಿಗಳ ಜೀವನ ಚರಿತ್ರೆ ಆಧರಿಸಿದ ಚಿತ್ರ ಮಾಡುವ ಉದ್ದೇಶವಿದ್ದು ಇದಕ್ಕಾಗಿ ಈ ಭಾಗದ ಎಲ್ಲ ಮಠಾಧೀಶರು ಸೇರಿ ಈ ಚಿತ್ರ ಮಾಡಲು ಪ್ರೇರಣೆಯಾಗಿದ್ದಾರೆ. ಶರಣರ ಸೇವೆ ಸಮಾಜ ಸೇವೆ ಎಷ್ಟು ನಿಷ್ಕಲ್ಮಷವಾಗಿರುತ್ತದೆ ಎನ್ನುವುದನ್ನು ಜಗತ್ತಿಗೆ ತೋರಿಸುವ ಉದ್ದೇಶ ಈ ಚಿತ್ರದ್ದಾಗಿದೆ. ಈ ಚಿತ್ರ ಮಾಡುವುದಕ್ಕೆ ಕಲಾವಿದರ ತಂಡ ನೆರವಾಗಲಿದೆ. ಇದೊಂದು ಸದೃಢ ಚಿತ್ರವಾಗುವುದರಲ್ಲಿ ಸಂಶಯವಿಲ್ಲ, ಇದಕ್ಕೆ ಒಳ್ಳೆಯ ಸಂಗೀತ ನೀಡುತ್ತಿದ್ದು ಅದಕ್ಕೆ ಮುಖ್ಯ ಪ್ರೇರಣೆಯಾಗಿ ದಿಂಗಾಲೇಶ್ವರ ಸ್ವಾಮಿಗಳು ನಿಂತಿದ್ದಾರೆ ಎಂದು ಹಂಸಲೇಖ ಹೇಳಿದರು.

ಕನ್ನಡ ಭಾಷೆ ಆಧಾರದ ಮೇಲೆ ಕರ್ನಾಟಕ ದೊರಕಿದೆ. ಅಂದ ಮೇಲೆ ಕನ್ನಡ ರಾಜ್ಯದ ಭಾಷೆಯಾಗಬೇಕು. ಅದು ರಾಜ್ಯಭಾಷೆ ಎನ್ನುವ ಅರಿವು ಇಡಿ ಕನ್ನಡಿಗರಿಗೆ ಎಚ್ಚರಿಸುವಂತಾಗಬೇಕು. ಹೀಗಾಗಿ ರಾಜ್ಯ ಭಾಷೆ ಆಡಳಿತ ಭಾಷೆ ಆಗಬೇಕು ಎನ್ನುವುದು ಎಲ್ಲರ ಆಶಯವಾಗಿದೆ. ಒಂದು ನಿಶ್ಚಯ ಮತ್ತು ಇಚ್ಛಾಶಕ್ತಿ ಇದ್ದರೆ ಇದು ಸಾಧ್ಯ ಎನ್ನುವುದು ಎಲ್ಲರೂ ಅರಿತುಕೊಳ್ಳಬೇಕಾಗಿದೆ. ಈ ಇಚ್ಛಾಶಕ್ತಿಯನ್ನು ಜಾಗೃತಗೊಳಿಸುವ ಉದ್ದೇಶದಿಂದ ಕನ್ನಡದ ಎಲ್ಲ ಮಠಾಧೀಶರ ನೇತೃತ್ವದಲ್ಲಿ ಕನ್ನಡ ಗಟ್ಟಿಗೊಳಿಸುವ ಯೋಜನೆಯನ್ನು ಗ್ರಾಮೀಣ ಭಾಗದ ಕನ್ನಡದ ಗಟ್ಟಿ ನೆಲೆಯಾಗಿರುವ ಪಂಪನ ನಾಡಾಗಿರುವ ಈ ಭಾಗದ ದಿಂಗಾಲೇಶ್ವರ ಮಠದಿಂದ ಪ್ರಾರಂಭ ಮಾಡುವ ಉದ್ದೇಶ ಹೊಂದಲಾಗಿದೆ ಎಂದರು.

ಬಾಲೆಹೊಸೂರಿನ ದಿಂಗಾಲೇಶ್ವರ ಸ್ವಾಮಿಗಳು ಮಾತನಾಡಿ, ಕನ್ನಡ ಭಾಷೆ ಬಗ್ಗೆ ಹಂಸಲೇಖಾ ಅವರಿಗಿರುವ ಅಭಿಮಾನ ಮತ್ತು ಹಮ್ಮಿಕೊಂಡಿರುವ ಕಾರ್ಯಕ್ರಮದ ಉದ್ದೇಶವನ್ನು ವಿವರಿಸಿದರು. ಮುದ್ದೆಬಿಹಾಳ ತಾಲೂಕಿನ ಕುಂಟೋಜಿ ಹಿರೇಮಠದ ಚೆನ್ನವೀರ ಸ್ವಾಮೀಜಿ ಮುಂತಾದವರು ಇದ್ದರು.

ಮುಂದಿನ ಲೇಖನ

Vijay Karnataka News App: ನಿಮ್ಮ ಸುತ್ತಮುತ್ತಲು ನಡೆಯುವ ವಿದ್ಯಮಾನಗಳನ್ನುಹಂಚಿಕೊಳ್ಳಲು ಬಯಸುತ್ತೀರಾ? ಹಾಗಿದ್ದಲ್ಲಿ ವಿಜಯ ಕರ್ನಾಟಕ ಆ್ಯಪ್‌ಡೌನ್‌ಲೋಡ್‌ ಮಾಡಿಕೊಳ್ಳಿ ಹಾಗೂ ರಿಪೋರ್ಟ್‌ ಕಳಿಸಿ
ಲೇಟೆಸ್ಟ್‌ ನ್ಯೂಸ್‌ ಅಪ್‌ಡೇಟ್‌ಗಳನ್ನು ಪಡೆಯಿರಿ, Vijay Karnataka ಫೇಸ್‌ಬುಕ್‌ಪೇಜ್‌ ಲೈಕ್‌ ಮಾಡಿರಿ