ಸರಕಾರಿ ಯೋಜನೆ ಅರ್ಹರಿಗೆ ತಲುಪಿಸಿ

ರೋಣ: ಕೇಂದ್ರ,ರಾಜ್ಯ ಸರಕಾರದ ಯೋಜನೆಗಳನ್ನು ಅರ್ಹ ರೈತರಿಗೆ ತಲುಪಿಸುವ ಕಾರ್ಯವನ್ನು ಪ್ರಾಮಾಣಿಕವಾಗಿ ಮಾಡಬೇಕು ಎಂದು ಎಪಿಎಂಸಿ ಸದಸ್ಯ ರಾಜಣ್ಣ ಹೂಲಿ ಹೇಳಿದರು.

ಅವರು ನೂತನವಾಗಿ ರೋಣ (ಹೊಳೆಆಲೂರ) ಎಪಿಎಂಸಿ ನಾಮ ನಿರ್ದೇಶನ ಸದಸ್ಯರಾಗಿ ಆಯ್ಕೆಯಾದ ತಾಲೂಕಿನ ಮಾಡಲಗೇರಿ ಗ್ರಾಮದ ವೆಂಕನಗೌಡ ಗೋವಿಂದಗೌಡ್ರ ಅವರನ್ನು ಸನ್ಮಾನಿಸಿ ಮಾತನಾಡಿದರು.

ಎಪಿಎಂಸಿ ನಾಮ ನಿರ್ದೇಶಕ ಸದಸ್ಯ ವೆಂಕನಗೌಡ ಗೋವಿಂದಗೌಡ್ರ ಮಾತನಾಡಿ,ಈ ಅವಕಾಶವನ್ನು ಸದುಪಯೋಗ ಮಾಡಿಕೊಂಡು ರೈತರಿಗೆ ಅನುಕೂಲವಾಗುವ ಕಾರ್ಯ ಮಾಡುವುದಾಗಿ ಹೇಳಿದರು.

ಮುತ್ತಣ್ಣ ಕಡಗದ, ಶಂಕ್ರಪ್ಪ ಸೂಳಿಕೇರಿ, ರುದ್ರಗೌಡ ಅಮಾತಿಗೌಡ್ರ, ಸಂಕನಗೌಡ ಅಮಾತಿಗೌಡ್ರ, ಗುರುನಾಥ ಹಿರೇಸಕ್ಕರಗೌಡ್ರ, ನಿಂಗನಗೌಡ ಅಮಾತಿಗೌಡ್ರ ಮತ್ತಿತರರು ಇದ್ದರು.