ದಟ್ಟ ಮಂಜು: ನಡುಗಿದ ಜನ

ನರಗುಂದ: ಸಾಕಷ್ಟು ಮಳೆಯಾಗಿದ್ದು ಅಲ್ಲದೆ ಸುತ್ತಲೂ ಮಲಪ್ರಭಾ ಕಾಲುವೆ ನೀರು ಹರಿಯುತ್ತಿದ್ದರೂ ಮೈ ಕೊರೆಯುವ ಚಳಿ ಇಲ್ಲ. ಚಳಿಯಲ್ಲಿಬಿರು ಬಿಸಿಲು ಅನುಭವ, ಮೋಡ ಕವಿದ ವಾತಾವರಣದಿಂದ ಜನ ಜೀವನ ಅಸ್ತವ್ಯಸ್ತಗೊಂಡಿದೆ. ಇದರಿಂದ ರಾತ್ರಿ ಸಾಧರಣ ಇರುವ ಚಳಿ ಬೆಳಗ್ಗೆ ಮೈ ಕೊರೆಯವಂತಿರುತ್ತದೆ. ಮಧ್ಯಾಹ್ನ ಬೇಸಿಗೆ ನೆನಪಿಸುವ ಸುಡು ಬಿಸಿಲಿನ ಅನುಭವ.

ಎದುರಿಗೆ ಬರುವ ಜನರನ್ನು ಗುರುತಿಸಲಾಗದಷ್ಟು ಇಬ್ಬನಿ ಬಿದ್ದಿತ್ತು. ಪುನಃ ಮಂಗಳವಾರ ಬೆಳಗಿನ ಜಾವ 9 ರವರೆಗೂ ಭಾರಿ ಮಂಜು ಕವಿದಿದ್ದರಿಂದ ವಾಹನಗಳು ಹೆಡ್‌ ಲೈಟ್‌ ಹಚ್ಚಿಕೊಂಡು ಓಡಾಡಿದವು. ಚಳಿಗಾಲ ಮುಗಿಯುತು ಎನ್ನುತ್ತಿರುವಾಗಲೆ ಕಳೆದ ಒಂದು ವಾರದಿಂದ ಬೆಳಗಿನ ಜಾವ ಮೈ ಕೊರೆಯುವ ಚಳಿಗೆ ಜನ ಮನೆ ಹಿಡಿದು ಕುಳಿತುಕೊಳ್ಳುವಂತೆ ಮಾಡಿದೆ.