ಮಕ್ಕಳಲ್ಲಿ ಸಾಹಿತ್ಯ, ಸಂಸ್ಕೃತಿಯ ಅಭಿರುಚಿ ಬೆಳೆಸಿ

ನರೇಗಲ್ಲ : ಸಾಹಿತ್ಯ -ಸಾಂಸ್ಕೃತಿಕ ಸೊಗಡು ಅಬ್ಬಿಗೇರಿ ಗ್ರಾಮದ ಮಣ್ಣಿನಲ್ಲಿಯೇ ಅಡಗಿದೆ ಎಂದು ರವೀಂದ್ರನಾಥ ದೊಡ್ಡಮೇಟಿ ಹೇಳಿದರು.
ಸಮೀಪದ ಅಬ್ಬಗೇರಿ ಗ್ರಾಮದ ಶ್ರೀ ಅನ್ನದಾನ ವಿಜಯ ಪ್ರೌಢಶಾಲೆಯಲ್ಲಿ ಶುಕ್ರವಾರ ನಡೆದ ಸಾಂಸ್ಕೃತಿಕ ಚಟುವಟಿಕೆ ಹಾಗೂ ಶಾಲಾ ಸಂಘಗಳ ಸಮಾರಂಭ ಉದ್ಘಾಟಸಿ ಅವರು ಮಾತನಾಡಿದರು. ಈ ನೆಲದಿಂದ ಗೋವಿಂದರಾಜ ಗಿರಡ್ಡಿ , ಸೋಮಶೇಖರ ಇಮ್ರಾಪೂರ, ಸಿ. ಜೆ. ಸವಣೂರ ಮಠರಂತಹ ಮಹಾನ ಪ್ರತಿಭೆಗಳು ಹೊರಹೊಮ್ಮಿವೆ. ಕೃಷಿ ಮೂಲ ಉದ್ಯೋಗ ಹೊಂದಿದ ಗ್ರಾಮೀಣ ಪ್ರದೇಶದಲ್ಲಿಯೇ ನಮ್ಮ ನಾಡಿನ ಸಂಸ್ಕೃತಿಯು ಉಳಿದಿದೆ. ಮಕ್ಕಳು ಕೇವಲ ಓದು ಅಧ್ಯಯನದಲ್ಲಿ ತೊಡಗದೇ ಆಟ, ಚರ್ಚೆ, ನಾಟಕ, ಸಂಗೀತ ಕಲಾ ಕ್ಷೇತ್ರಗಳಲ್ಲಿಯೂ ಆಸಕ್ತಿ ತೋರಬೇಕು. ಅಂದಾಗ ಈ ನಾಡಿನ ಸಂಸ್ಕೃತಿಯ ಸಂರಕ್ಷ ಣೆ ಸಾಧ್ಯ. ಸರಕಾರ ಶಿಕ್ಷ ಣ ಇಲಾಖೆಯ ಮೂಲಕ ವಿದ್ಯಾರ್ಥಿಗಳ ಜೀವನ ರೂಪಿಸಲು ಸಾಕಷ್ಟು ಶ್ರಮಿಸುತ್ತಿದೆ. ಅವುಗಳನ್ನು ಪ್ರತಿಯೊಬ್ಬರೂ ಸದುಪಯೋಗಪಡಿಸಿಕೊಳ್ಳಬೇಕು ಎಂದು ತಿಳಿಸಿದರು.

ಅಧ್ಯಕ್ಷ ತೆ ವಹಿಸಿದ್ದ ಡಾ. ಆರ್‌. ಬಿ. ಬಸವರಡ್ಡೇರ ಮಾತನಾಡಿ, ಮಕ್ಕಳನ್ನು ಕೇವಲ ಅಭ್ಯಾಸಕ್ಕೆ ಸೀಮತಗೊಳಿಸದೇ ಆಟ ಮತ್ತು ಸಾಂಸ್ಕೃತಿಕ ಚಟುವಟಿಕೆಗಳಲ್ಲಿ ಭಾಗವಹಿಸುವಂತೆ ಶಿಕ್ಷ ಕರು ಪ್ರೇರೆಪಿಸಬೇಕು. ವಿದ್ಯಾರ್ಥಿಗಳು ಶಿಸ್ತಿನ ನಿಯಮ ಪಾಲಿಸಿ ವಿದ್ಯಾರ್ಥಿ ಜೀವನದಲ್ಲಿ ನೈತಿಕ ಶಿಕ್ಷ ಣದ ಮೂಲಕ ಶಿಸ್ತು ಹಾಗೂ ಜೀವನ ಮೌಲ್ಯಗಳನ್ನು ಅಳವಡಿಸಿಕೊಳ್ಳಬೇಕು ಎಂದರು.

ಕಾರ್ಯಕ್ರಮದಲ್ಲಿ ಎಂಟು ವಿವಿಧ ಸಂಘಗಳ ಉದ್ಘಾಟನೆ ನಡೆಯಿತು. ಆಡಳಿತ ಮಂಡಳಿ ಸದಸ್ಯ ಮಲ್ಲಿಕಾರ್ಜುನ ಮೆಣಸಗಿ, ಎಂ ಪಿ ತಳಬಾಳ, ಸೋಮಣ್ಣ ಹರ್ಲಾಪೂಡಿ, ಶಿಕ್ಷ ಕ ಎಂ ಬಿ ಸಜ್ಜನ, ಆಯ್‌ ಜ್ಞಾನೇಶ್ವರಿ, ಎಸ್‌ ಜಿ ಗಿರಿತಿಮ್ಮಣ್ಣವರ, ಎಸ್‌. ವಿ ಸೊಬರದ, ಜಿ ಎಸ್‌ ದಿಂಡೂರ ಪ್ರಶಿಕ್ಷ ಣಾರ್ಥಿ ಎಸ್‌ ಆರ್‌ ಪಾಟೀಲ, ಎಸ್‌ ಎಲ್‌ ಭಜಂತ್ರಿ ಉಪಸ್ಥಿತರಿದ್ದರು. ಮುಖೋಪಾಧ್ಯಾಯ ಎಸ್‌ ಎನ್‌ ಹೂಲಗೇರಿ ಸ್ವಾಗತಿಸಿದರು. ಎಂ ಎಂ ಗುಗ್ಗರಿ ನಿರೂಪಿಸಿದರು, ಬಿ ಬಿ ಶೆಟ್ಟರ ವಂದಿಸಿದರು.