ಎನ್‌ಸಿಸಿಯಿಂದ ವಿದ್ಯಾರ್ಥಿಗಳಲ್ಲಿ ಶಿಸ್ತು

ಗದಗ: ಸ್ಥಳೀಯ ಹುಲಕೋಟಿ ಸಹಕಾರಿ ಶಿಕ್ಷಣ ಸಂಸ್ಥೆಯ ಪದವಿ ಪೂರ್ವ ಮಹಾವಿದ್ಯಾಲಯದ ವಿದ್ಯಾರ್ಥಿಗಳು ಎನ್‌ಸಿಸಿ ದಿನಾಚರಣೆ ನಿಮಿತ್ತ ನಗರದ ಪ್ರಮುಖ ಬೀದಿಗಳಲ್ಲಿರಕ್ತದಾನ ಜಾಗೃತಿ ರಾರ‍ಯಲಿ ನಡೆಸಿದರು.

ಪ್ರಾಚಾರ್ಯ ಎಸ್‌.ಜಿ.ಉಳಗೇರಿ ಮಾತನಾಡಿ, ಎನ್‌ಸಿಸಿ ವಿದ್ಯಾರ್ಥಿಗಳಲ್ಲಿಶಿಸ್ತು, ಸಮಯ ಪಾಲನೆ ಹಾಗೂ ದೇಶ ಸೇವಾ ಮನೋಭಾವ ಮೂಡಿಸುತ್ತದೆ. ರಕ್ತದಾನ ಅವಶ್ಯಕತೆಯ ಜಾಗೃತಿ ಮೂಡಿಸಲು ಸಲಹೆ ನೀಡಿದರು.

ಎನ್‌ಸಿಸಿ ಅಧಿಕಾರಿ ಕ್ಯಾಪ್ಟನ್‌ ವಸಂತ ಮೂಲಿಮನಿ, ಆರ್ಮಿಯ ಸುಬೇದಾರ ರಮೇಶಕುಮಾರ, ಪ್ರಿಯಾಂಕ ಬೇವಿನಕಟ್ಟಿ, ಕವಿತಾ ದೊಡ್ಡಮನಿ ಇದ್ದರು.

ಜಾಗೃತಿ ರಾರ‍ಯಲಿಯು ನಗರದ ಜಿಲ್ಲಾಕೀಡಾಂಗಣದ ಎದುರಿಗಿರುವ ಹುಲಕೋಟಿ ಸಹಕಾರಿ ಶಿಕ್ಷಣ ಸಂಸ್ಥೆಯಿಂದ ಪ್ರಾರಂಭಗೊಂಡು ಭೂಮರಡ್ಡಿ ವೃತ್ತ, ಗಾಂಧಿವೃತ್ತ, ಕೆ.ಸಿ.ರಾಣಿ ರಸ್ತೆಯ ಮೂಲಕ ರಕ್ತದಾನ ಮಹತ್ವ ಕುರಿತು ಸಂದೇಶಗಳ ಫಲಕಗಳನ್ನು ಹಿಡಿದು ಹಾಗೂ ಬ್ಯಾನರ್‌ಗಳ ಮೂಲಕ ಜಾಗೃತಿ ಮೂಡಿಸುವ ಘೋಷಣೆ ಕೂಗಿದರು.