ಜೀವನದಲ್ಲಿ ಸತ್ಯ,ಪ್ರಾಮಾಣಿಕತೆ ಅಳವಡಿಸಿಕೊಳ್ಳಿ

ನರೇಗಲ್ಲ: ನರೇಗಲ್ಲಸರಕಾರಿ ಪದವಿ ಪೂರ್ವ ಮಹಾವಿದ್ಯಾಲಯದ ಎನ್‌ಎಸ್‌ಎಸ್‌ ವಿದ್ಯಾರ್ಥಿಗಳಿಂದ ರಾಷ್ಟ್ರೀಯ ಯುವ ದಿನಾಚರಣೆ ಆಚರಿಸಲಾಯಿತು.
ಎನ್‌ಎಸ್‌ಎಸ್‌ ಅಧಿಕಾರಿ ಬೀರಪ್ಪ ಕಾನಕುಡತಿ ಮಾತನಾಡಿ, ಭಾರತ ಕಂಡ ಅತ್ಯಂತ ಧೀಮಂತ ವ್ಯಕ್ತಿ ವಿವೇಕಾನಂದರು. ಸತ್ಯ, ಪ್ರಾಮಾಣಿಕತೆ ಮುಂತಾದ ಮೌಲ್ಯ ಜೀವನದಲ್ಲಿಬೆಳೆಸಿಕೊಳ್ಳಬೇಕೆಂದು ಯುವ ಶಕ್ತಿಯ ಚೈತನ್ಯ ಮೂರ್ತಿಯಾಗಿದ್ದರು ಎಂದರು.

ಅಧ್ಯಕ್ಷತೆ ವಹಿಸಿದ್ದ ಪ್ರಾ.ಎನ್‌. ಎಮ್‌. ಪವಾಡಿಗೌಡ್ರ ಮಾತನಾಡಿ, ವಿವೇಕಾನಂದರ ಜೀವನ ಸಾಧನೆ ಓದುವದರೊಂದಿಗೆ ದಿನನಿತ್ಯದ ದೈನಂದಿನ ಕಾರ್ಯಗಳಲ್ಲಿಕ್ರಿಯಾತ್ಮಕ ಚಟುವಟಿಕೆ ಕೈಗೊಂಡು ಸಮಾಜದ ಸೇವೆ ಸಲ್ಲಿಸಲು ಸದಾ ಸನ್ನದ್ದರಾಗಬೇಕು ಎಂದರು. ಎನ್‌ಎಸ್‌ಎಸ್‌ ವಿದ್ಯಾರ್ಥಿಗಳು ಕಾಲೇಜ ಆವರಣ ಸ್ವಚ್ಛಗೊಳಿಸಿ ಸಸಿ ನೆಟ್ಟರು.