ಭೂ ತಾಯಿಗೆ ನೈವೇದ್ಯ ಸಲ್ಲಿಸದ ರೈತರು

ಲಕ್ಕುಂಡಿ: ರೈತಾಪಿ ವರ್ಗ ಭೂ ತಾಯಿಗೆ ನಮನ ಸಲ್ಲಿಸುವ ಉತ್ತರ ಕರ್ನಾಟಕದ ಸಂಸ್ಕೃತಿ, ಸಂಪ್ರದಾಯ ಆಚರಣೆಯಲೊಂದಾದ ಎಳ್ಳ ಅಮಾವಾಸ್ಯೆಯನ್ನು ಇಲ್ಲಿಯ ರೈತರು ಸಡಗರ ಸಂಭ್ರಮದಿಂದ ಶುಕ್ರವಾರ ಆಚರಿಸಿದರು.

ಗುರುವಾರ ಸೂರ್ಯಗ್ರಹಣ ಕಾರಣ ಶನಿವಾರ ಬೆಳಗ್ಗೆಯಿಂದಲೇ ರೈತರು, ಚಕ್ಕಡಿ, ಟ್ರಾತ್ರ್ಯಕ್ಟರ್‌, ಟಂ ಟಂ. ವಾಹನದ ಮೂಲಕ ಜಮೀನುಗಳಿಗೆ ತೆರಳಿ ವಿಶೇಷ ಪೂಜೆ ಸಲ್ಲಿಸಿದರು. ಬನ್ನಿಮರದ ಬುಡದಲ್ಲಿಐದು ಕಲ್ಲಿನ ದೇವರನ್ನು ಪ್ರತಿಷ್ಠಾಪಿಸಿ ವಿಭೂತಿ, ಕುಂಕಮ ಹಚ್ಚಿ ನೈವೇಧ್ಯ ಅರ್ಪಿಸಿದರು. ನಂತರ ಬನ್ನಿಮರವನ್ನು ಐದು ಬಾರಿ ಸುತ್ತು ಹಾಕಿ ಹೊಲದ ತುಂಬ ಚರಗ ಚಲ್ಲಿದರು.

ಜೋಳ ಮತ್ತು ಸಜ್ಜೆಯ ಕಟಗ ರೊಟ್ಟಿ, ಪುಂಡಿ ಪಲ್ಯಾ, ಕೆಂಪು ಖಾರ, ಕಡ್ಲಿಚಟ್ನಿ, ಅಗಸಿ ಚಟ್ನಿ, ಬದ್ನಿಕಾಯಿ ಪಲ್ಯಾ, ವಿವಿಧ ಕಾಳು ಪಲ್ಯಾ, ಗಜರಿ, ಸವತಿಕಾಯಿ, ಮೊಸರು, ಎಳ್ಳ, ಶೇಂಗಾ, ಹೊಳಿಗೆ, ಕರಗಡುಬು ಸೇರಿದಂತೆ ವಿವಿಧ ಖಾಧ್ಯಗಳನ್ನು ಸವಿದರು.