ಗದಗ: ಕೊರೊನಾ ಸೋಂಕಿಗೆ ಹೆದರಿ ವ್ಯಕ್ತಿ ಆತ್ಮಹತ್ಯೆ, ಆಸ್ಪತ್ರೆ ಕಟ್ಟಡದಿಂದ ಹಾರಿದ ರೋಗಿ!

ಗದಗ: ಕೊರೊನಾ ಸೊಂಕಿಗೆ ಹೆದರಿ ಕೊರೊನಾ ರೋಗಿಯೊಬ್ಬರು ಆತ್ಮಹತ್ಯೆ ಮಾಡಿಕೊಂಡಿರುವ ಘಟನೆ ಗದಗದ ಮಲ್ಲ ಸಮುದ್ರದಲ್ಲಿರುವ ಜಿಮ್ಸ್ ಕೋವಿಡ್ ಆಸ್ಪತ್ರೆಯಲ್ಲಿ ನಡೆಯಲಿದೆ. ಆಸ್ಪತ್ರೆಯ ಕಟ್ಟಡ ಮೇಲಿಂದ ಹಾರಿ ವ್ಯಕ್ತಿ ಆತ್ಮಹತ್ಯೆ ಮಾಡಿಕೊಂಡಿದ್ದಾನೆ.

ಆತ್ಮಹತ್ಯೆ ಮಾಡಿಕೊಂಡಿರುವ ವ್ಯಕ್ತಿ ಗದಗ ಜಿಲ್ಲೆ ಮುಂಡರಗಿ ತಾಲೂಕಿನ ಡೋಣಿ ಗ್ರಾಮದ ಬಸವರಾಜ್ ಈಳಗೇರ್ (40) ಎಂದು ತಿಳಿದುಬಂದಿದೆ. ಕೊರೊನಾ ಸೋಂಕಿನ ಲಕ್ಷಣಗಳಿದ್ದ ಹಿನ್ನೆಲೆ ಗುರುವಾರ ಬಸವರಾಜ್‌ಗೆ ಜಿಮ್ಸ್ ಕೋವಿಡ್ ಆಸ್ಪತ್ರೆಯಲ್ಲಿ ಸ್ಟ್ಯಾಬ್ ಟೆಸ್ಟ್ ಮಾಡಿಸಲಾಗಿತ್ತು. ಇದರ ರಿಪೋರ್ಟ್‌ ಪಾಸಿಟಿವ್‌ ಎಂದು ಬಂದಿದೆ.

ಈ ಹಿನ್ನೆಲೆ ಭಯದಿಂದ ರಾತ್ರಿ ಕಟ್ಟಡದ ಮೇಲಿಂದ ಜಿಗಿದು ಆತ್ಮಹತ್ಯೆ ಮಾಡಿಕೊಂಡಿರುವುದಾಗಿ ತಿಳಿದುಬಂದಿದೆ. ಗದಗ ಗ್ರಾಮೀಣ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ. ಕೊರೊನಾ ಎಂಬುದು ದೊಡ್ಡ ಮಾರಕವಲ್ಲ ಎನ್ನುವ ವಿಚಾರವನ್ನ ಆಗಾಗೇ ವೈದ್ಯರುಗಳು ಮನದಟ್ಟು ಮಾಡಿಕೊಂಡು ಬರುತ್ತಿದ್ದಾರೆ. ಮುನ್ನೆಚ್ಚರಿಕಾ ಕ್ರಮ ಅಗತ್ಯ ಅಷ್ಟೇ ಎಂದರು ಇಂತಹ ಘಟನೆಗಳು ಮರುಕಳುಸುತ್ತಿದೆ.
ನರಗುಂದ: 3540 ಹೆಕ್ಟೇರ್‌ ಬೆಳೆ ನಷ್ಟ