ನೀರಿನ ಹೋರಾಟಕ್ಕೆ ಐದು ವರ್ಷ

ನರಗುಂದ: ನೀರಿಗಾಗಿ ಹಲವು ವರ್ಷಗಳಿಂದ ಹೋರಾಟಗಳು ನಡೆಯುತ್ತಿವೆ. ತಾಲೂಕಿನಲ್ಲಿಈ ಹೋರಾಟಗಳು ಸಾಮಾನ್ಯದಂತಾಗಿವೆ.
ಅದೇ ರೀತಿ ರೈತ ಸೇನಾ ಕರ್ನಾಟಕ ನೇತೃತ್ವದಲ್ಲಿನೀರಿಗಾಗಿ ನಿರಂತರ ಧರಣಿ ಸತ್ಯಾಗ್ರಹ ನಡೆದು ಇಂದಿಗೆ ಐದು ವರ್ಷಗಳು ಸಂದಿವೆ. ಸರಕಾರಗಳು ಮತ್ತು ರಾಜಕೀಯ ವ್ಯವಸ್ಥೆ ರೈತರ ಬೇಡಿಕೆಗೆ ನಿರ್ಲಕ್ಷ್ಯ ತಾಳಿವೆ ಎಂಬುದು ರೈತರ ಆರೊಪ.

ನಿಲ್ಲದ ಹೋರಾಟ: 16 ಜು.2015ರಂದು ರೈತ ಹುತಾತ್ಮ ವೀರಗಲ್ಲುಎದುರು ರೈತ ಸೇನಾ ಕರ್ನಾಟಕ ನೇತೃತ್ವದಲ್ಲಿಮಹದಾಯಿ ನೀರಿಗಾಗಿ ಹೋರಾಟ ಆರಂಭಿಸಿತು. ರೈತರ ಹೋರಾಟ ಹಳ್ಳಿಯಿಂದ ದಿಲ್ಲಿವರೆಗೂ ಜನಾಂದೋಲನವಾಗಿ ಮಾರ್ಪಟ್ಟಿತು.

ಪ್ರತಿ ವರ್ಷ ಜು.16 ರಂದು ರೈತ ಸೇನಾ ಕರ್ನಾಟಕ ವರ್ಷಾಚರಣೆ ಮಾಡಿಕೊಂಡು ಬಂದಿದೆ. ಆದರೆ ಈ ಭಾರಿ ಕೊರೊನಾ ಮಹಾಮಾರಿಯಿಂದಾಗಿ ಹೆಚ್ಚಿನ ರೈತರು ಪಾಲ್ಗೊಳ್ಳುವುದಿಲ್ಲ. ಕೆಲವು ರೈತರು, ರೈತ ಮುಖಂಡರು ವೀರ ಬಾಬಾಸಾಹೇಬ ಭಾವೆ ಅವರ ಪುತ್ಥಳಿಯಿಂದ ಮೆರವಣಿಗೆ ನಡೆಸಿ ಹೋರಾಟ ವೇದಿಕೆಯಲ್ಲಿಆಗಮಿಸಲಾಗುವುದು ಎಂದು ರೈತ ಹೋರಾಟಗಾರರು ತಿಳಿಸಿದ್ದಾರೆ.