ಫುಟ್‌ಬಾಲ್‌ ಪಂದ್ಯಾವಳಿ ನಾಳೆ

ಗದಗ : 2019-20 ನೇ ಸಾಲಿನ ಜೇಸಿ ಫ್ರೀಡಂ ಕಪ್‌ ಫುಟ್‌ ಬಾಲ್‌ ಸೀಜನ್‌-4 ಜು.24ರಿಂದ ಆಯೋಜಿಸಲಾಗಿದ್ದು, ನಗರದ ಎಲ್ಲ ಶಾಲೆಗಳು ಕ್ರೀಡಾಕೂಟದಲ್ಲಿ ಭಾಗವಹಿಸಬಹುದಾಗಿದೆ.

ನಗರದ ಪ್ರತಿಷ್ಠಿತ ಜೇಸಿ ಪ್ರೌಢ ಶಾಲೆಯು ಜೇಸಿ ಫ್ರೀಡಂ ಕಪ್‌ ಫುಟ್‌ ಬಾಲ್‌ ಪಂದ್ಯಾವಳಿಯನ್ನು 2016-17 ರಲ್ಲಿ ಪ್ರಾರಂಭಿಸಿತು. ಜೇಸಿ ಫ್ರೀಡಂ ಕಪ್‌ ಫುಟ್‌ ಬಾಲ್‌-ಸೀಜನ್‌ 1 ರಲ್ಲಿ ನಗರದ 11 ಶಾಲೆಗಳ ತಂಡಗಳು ಭಾಗವಹಿಸಿದ್ದವು. ಅಂತಿಮ ಪಂದ್ಯದಲ್ಲಿ ಸಿಡಿಓ ಜೈನ ಪ್ರೌಢಶಾಲೆಯ ವಿರುದ್ಧ ಜೇಸಿ ಪ್ರೌಢ ಶಾಲೆಯ ವಿದ್ಯಾರ್ಥಿಗಳು 5 ಗೋಲುಗಳ ಅಂತರದಿಂದ ಜಯ ಸಾಧಿಸಿದ್ದರು.

2017-18 ರಲ್ಲಿ ನಡೆದ ಸೀಜನ್‌-2 ರಲ್ಲಿ ನಗರದ 8 ಶಾಲೆಗಳ ತಂಡಗಳು ಭಾಗವಹಿಸಿದ್ದವು. ಅಂತಿಮ ಪಂದ್ಯದಲ್ಲಿ ಜೇಸಿ ಪ್ರೌಢಶಾಲೆಯ ವಿರುದ್ಧದ ಸೆಣಸಾಟದಲ್ಲಿ ಸಿಡಿಒ ಜೈನ್‌ ಪ್ರೌಢಶಾಲೆ ಜಯ ಸಾಧಿಸಿತ್ತು.

2018-19 ರಲ್ಲಿ ನಡೆದ ಸೀಜನ್‌-3 ರಲ್ಲಿ ನಗರದ 16 ಶಾಲೆಗಳ ತಂಡಗಳು ಭಾಗವಹಿಸಿದ್ದವು. ಅಂತಿಮ ಪಂದ್ಯದಲ್ಲಿ ಜೇಸಿ ಪ್ರೌಢಶಾಲೆಯ ವಿರುದ್ಧದ ಪಂದ್ಯಾವಳಿಯಲ್ಲಿ ಸಿಡಿಓ ಜೈನ ಪ್ರೌಢಶಾಲೆಯು ಜಯ ಸಾಧಿಸಿತ್ತು. ಜೇಸಿ ಪ್ರೌಢಶಾಲೆಯ ವಿನಾಯಕ ಪವಾರ ಅವರಿಗೆ ಅತ್ಯುತ್ತಮ ಗೋಲ ಕೀಪರ್‌ ಪ್ರಶಸ್ತಿ ನೀಡಿ ಗೌರವಿಸಲಾಗಿತ್ತು. ಸಿಡಿಓ ಜೈನ ಪ್ರೌಢಶಾಲೆಯ ನಿಂಗನಗೌಡ ಹನುಮಂತಗೌಡರ ಅವರಿಗೆ ಅತ್ಯುತ್ತಮ ಸ್ಟ್ರೋಕರ್‌ ಪ್ರಶಸ್ತಿ ನೀಡಿ ಗೌರವಿಸಲಾಗಿತ್ತು. ಸದ್ಯ ಸೀಸನ್‌ 4 ಪಂದ್ಯಾವಳಿ ಆರಂಭಕ್ಕೆ ಕ್ಷಣಗಣನೆ ಆರಂಭವಾಗಿದೆ.