ಉಚಿತ ರಕ್ತ ತಪಾಸಣೆ ಶಿಬಿರ ಯಶಸ್ವಿ

ಗದಗ : ಭಾವಸಾರ ವ್ಹಿಜನ್‌ ಇಂಡಿಯಾ ನಗರದ ಎಚ್‌ಸಿಈಎಸ್‌ ಕಲಾ, ವಾಣಿಜ್ಯ ಮತ್ತು ವಿಜ್ಞಾನ ಮಹಾವಿದ್ಯಾಲಯದಲ್ಲಿ ಏರ್ಪಡಿಸಿದ್ದ ಉಚಿತ ರಕ್ತತಪಾಸಣೆ ಶಿಬಿರದಲ್ಲಿ 250ಕ್ಕೂ ಹೆಚ್ಚು ವಿದ್ಯಾರ್ಥಿ ವಿದ್ಯಾರ್ಥಿನಿಯರ ರಕ್ತ ತಪಾಸಣೆ ನಡೆಸಿತು.

ಮಹಾವಿದ್ಯಾಲಯದ ಎನ್‌ಎಸ್‌ಎಸ್‌ ಸ್ವಯಂ ಸೇವಕರಿಗೆ ಹಾಗೂ ಎನ್‌ಸಿಸಿ ಕೆಡೆಟ್‌ಗಳಿಗೆ ಡಾ.ದತ್ತಾತ್ರೇಯ ವೈಕುಂಠೆ ರಕ್ತತಪಾಸಣೆ ನಡೆಸಿ ರಕ್ತಗುಂಪಿನÜ ಚೀಟಿ ವಿತರಿಸಿ ರಕ್ತದಾನದ ಮಹತ್ವ ಹಾಗೂ ಅದರಿಂದ ಆರೋಗ್ಯಕ್ಕೆ ಆಗುವ ಲಾಭ ವಿವರಿಸಿದರು.

ಪ್ರಾ.ಎಸ್‌.ಜಿ.ಉಳಿಗೇರ ಅವರು ಆರೋಗ್ಯಕರ ಜೀವನದಲ್ಲಿ ರಕ್ತದ ಪಾತ್ರ ವಿಷಯವಾಗಿ ಮಾತನಾಡಿದರು. ಎನ್‌ಎಸ್‌ಎಸ್‌ ಅಧಿಕಾರಿ ಪ್ರೊ.ಬಿ.ಸಿ.ಜೋಗಿನ ಸ್ವಾಗತಿಸಿದರು. ಉಪನ್ಯಾಸಕ ಡಾ.ಎಂ.ಬಿ.ಮಡ್ಡಿ ನಿರೂಪಿಸಿದರು. ಎನ್‌ಸಿಸಿ ಅಧಿಕಾರಿ ಪ್ರೊ.ವಿ.ಟಿ.ಮೂಲಿಮನಿ ವಂದಿಸಿದರು.

ಸುರೇಂದ್ರ ಜಾಧವ, ಪರಶುರಾಮ ನವಲೆ, ವಿಜಯಾ ನವಲೆ, ಹರೀಶ ವೈಕುಂಠೆ, ರುದ್ರಪ್ಪ ಚವ್ಹಾಣ, ಮುತ್ತಣ್ಣ ಅರಸಿಕೇರಿ, ಜಿ.ಎನ್‌.ಹಿರೇಮಠ ಇತರರು ಉಪಸ್ಥಿತರಿದ್ದರು.