ತೋಟಗಾರಿಕೆ ಯೋಜನೆ ಸೌಲಭ್ಯ

ಗದಗ: ಪ್ರಸಕ್ತ ಸಾಲಿನ ಮಹಾತ್ಮಾ ಗಾಂಧಿ ರಾಷ್ಟ್ರೀಯ ಗ್ರಾಮೀಣ ಉದ್ಯೋಗ ಖಾತ್ರಿ ಯೋಜನೆ ಅಡಿ ತೋಟಗಾರಿಕೆ ಇಲಾಖೆ ಜಿಲ್ಲೆಯಲ್ಲಿ ಹಲವಾರು ಕಾರ್ಯಕ್ರಮ ಹಮ್ಮಿಕೊಂಡಿದೆ. ಐದು ಎಕರೆಗೆ ಒಳಪಟ್ಟು ಎಲ್ಲಾ ಸಣ್ಣ, ಅತಿ ಸಣ್ಣ, ಬಿಪಿಎಲ್‌ ಪರಿಶಿಷ್ಟ ಜಾತಿ, ಪರಿಶಿಷ್ಟ ಪಂಗಡ ಮತ್ತು ಐಎವೈ ಫಲಾನುಭವಿಗಳು ಸೌಲಭ್ಯ ಪಡೆಯಲು ಅರ್ಹರಾಗಿರುತ್ತಾರೆ. ಈ ಯೋಜನೆಯಡಿ ಹಣ್ಣಿನ ಬೆಳೆಗಳಾದ ಮಾವು ಪ್ರದೇಶ ವಿಸ್ತರಣೆ, ಸೀಬೆ, ಸಪೋಟಾ, ಬಾಳೆ, ದಾಳಿಂಬೆ, ಆ್ಯಪಲ್‌ ಬಾರೆ, ತೆಂಗು, ನುಗ್ಗೆ, ಹುಣಸೆ, ಸೀತಾಫಲ, ನೆಲ್ಲಿ ಇನ್ನಿತರ ತೋಟಗಾರಿಕೆ ಬೆಳೆಗಳ ಪ್ರದೇಶ ವಿಸ್ತರಣೆ ಮಾಡಿಕೊಳ್ಳಬಹುದು. ರೈತರು ಇವುಗಳ ಸದುಪಯೋಗಪಡಿಸಿಕೊಳ್ಳಲು ತೋಟಗಾರಿಕೆ ಉಪನಿರ್ದೇಶಕ ಪ್ರದೀಪ್‌ ಎಲ್‌. ತಿಳಿಸಿದ್ದಾರೆ.