ಪದವೀಧರ ಮತದಾರ ಪಟ್ಟಿ ಪರಿಷ್ಕರಣೆ

ಗದಗ: ಕರ್ನಾಟಕ ಪಶ್ಚಿಮ ಪದವೀಧರರ ಕ್ಷೇತ್ರಗಳಿಗೆ ಸಂಬಂಧಿಸಿದಂತೆ ಮತದಾರ ಪಟ್ಟಿ ತಯಾರಿಕೆ ಕುರಿತು ಭಾರತ ಚುನಾವಣೆ ಆಯೋಗ ವೇಳಾಪಟ್ಟಿ ಪರಿಷ್ಕರಿಸಿ ಆದೇಶಿಸಿದ್ದಾರೆ. ಪರಿಷ್ಕೃತ ವೇಳಾಪಟ್ಟಿಯಂತೆ 1-11-2019 ಅರ್ಹತಾ ದಿನಾಂಕವುಳ್ಳಂತೆ ಕರಡು ಮತದಾರ ಪಟ್ಟಿಗಳನ್ನು ಡಿ. 7 ರಂದು ಪ್ರಕಟಿಸಲಾಗುವುದು. ಪ್ರಕಟಿಸಲಾದ ಕರಡು ಮತದಾರ ಪಟ್ಟಿಗಳಿಗೆ ಹಕ್ಕು ಮತ್ತು ಆಕ್ಷೇಪಣೆಗಳನ್ನು ಡಿ. 7 ರಿಂದ 23 ರವರೆಗೆ ಸ್ವೀಕರಿಸಲಾಗುವುದು. ಸ್ವೀಕೃತವಾದ ಅರ್ಜಿಗಳನ್ನು 10-1-2020 ರೊಳಗೆ ವಿಲೇವಾರಿಗೊಳಿಸಿ ಅಂತಿಮ ಮತದಾರ ಪಟ್ಟಿಗಳನ್ನು ಜ.16 ರಂದು ಪ್ರಕಟಿಸಲಾಗುವುದು.

ಹಕ್ಕು ಮತ್ತು ಆಕ್ಷೇಪಣೆ ಸಲ್ಲಿಸುವ ಅವಧಿಯಲ್ಲಿಅರ್ಹ ಪದವೀಧರರು ನಮೂನೆ 18 ರೊಂದಿಗೆ ಇತ್ತೀಚಿನ ಭಾವಚಿತ್ರ , ದೃಢೀಕರಿಸಲ್ಪಟ್ಟ ಪದವಿ ಪ್ರಮಾಣ ಪತ್ರಗಳು ಹಾಗೂ ಸಾಮಾನ್ಯವಾಗಿ ವಾಸಿಸುತ್ತಿರುವ ದಾಖಲೆಗಳನ್ನು ಹೆಚ್ಚಿನ ಸಂಖ್ಯೆಯಲ್ಲಿಸಲ್ಲಿಸಿ ಮತದಾರ ಪಟ್ಟಿಗಳಲ್ಲಿ ನೊಂದಾಯಿಸಿಕೊಳ್ಳಬೇಕು. ಪ್ರಕಟಿಸಲಾಗುವ ಕರಡು ಮತದಾರ ಪಟ್ಟಿಗಳಲ್ಲಿಯಾವುದಾದರೂ ನ್ಯೂನತೆಗಳನ್ನು ಸರಿಪಡಿಸಬೇಕಾಗಿದ್ದಲ್ಲಿಸಂಬಂಧಪಟ್ಟ ಮತದಾರರು ನಮೂನೆ 8 ರಲ್ಲಿತಿದ್ದುಪಡಿಗಾಗಿ ಹಾಗೂ ಮತದಾರ ಪಟ್ಟಿಯಿಂದ ಹೆಸರು ಕೈಬಿಡಬೇಕಾದಲ್ಲಿನಮೂನೆ 7 ರಲ್ಲಿಅರ್ಜಿಗಳನ್ನು ಸಲ್ಲಿಸಲು ಜಿಲ್ಲಾಧಿಕಾರಿ ಕಾರಾರ‍ಯಲಯದ ಪ್ರಕಟಣೆ ತಿಳಿಸಿದೆ.