ದಾಖಲೆ ಸಲ್ಲಿಸಲು ಹೆಸ್ಕಾ ಸೂಚನೆ

ಹೊಳೆಆಲೂರು :ಭಾಗ್ಯ ಜ್ಯೋತಿ, ಕುಟೀರ ಜ್ಯೋತಿ ಹಾಗೂ ನೀರಾವರಿ ಪಂಪ್‌ಸೆಟ್‌ ಹೊಂದಿರುವ ಗ್ರಾಹಕರು ಹೆಸ್ಕಾಂ ಕಚೇರಿಗೆ ಕೆಲವು ಅವಶ್ಯಕ ದಾಖಲೆಗಳನ್ನು ನೀಡಬೇಕೆಂದು ಹೆಸ್ಕಾಂ ಸೂಚಿಸಿದೆ.

ರಾಜ್ಯ ಹಾಗೂ ಕೇಂದ್ರ ಸರಕಾರದ ಆದೇಶದಂತೆ ಈಗಾಗಲೇ ವಿದ್ಯುತ್‌ ಗ್ರಾಹಕರ ಗಣತಿ ಪ್ರಾರಂಭಿಸಲಾಗಿದೆ. ಆದ್ದರಿಂದ ಗ್ರಾಹಕರು ತಮ್ಮ ಆರ್‌ ಆರ್‌ ನಂಬರಿಗೆ ಲಿಂಕ್‌ ಮಾಡಿಸಲು ಆಧಾರ್‌ ಕಾರ್ಡ್‌, ರೇಷನ್‌ ಕಾರ್ಡ್‌, ಜಾತಿ, ಆದಾಯ ಪ್ರಮಾಣ ಪತ್ರದ ಝೆರಾಕ್ಸ್‌ ಪ್ರತಿ ಹಾಗೂ ಮೊಬೈಲ್‌ ಸಂಖ್ಯೆಯನ್ನು ಹೊಳೆಆಲೂರು ವಿಭಾಗಕ್ಕೆ ಬರುವ ಗ್ರಾಮಗಳ ಗ್ರಾಹಕರು ಹೊಳೆಆಲೂರಿನ ಹೆಸ್ಕಾಂ ಕಚೇರಿಗೆ ನ.28 ರೊಳಗೆ ತಲುಪಿಸಬೇಕು. ತಪ್ಪಿದಲ್ಲಿಯಾವುದೇ ಮಾಹಿತಿ ನೀಡದೇ ವಿದ್ಯುತ್‌ ಸಂಪರ್ಕ ಕಡಿತಗೊಳಸಲಾಗುವುದು. ಎಲ್ಲವಿದ್ಯುತ್‌ ಬಳಕೆದಾರರು ನಿಗದಿತ ಸಮಯದಲ್ಲಿವಿದ್ಯುತ್‌ ಬಿಲ್‌ ಪಾವತಿಸಿ ಸಹಕರಿಸಬೇಕು ಎಂದು ಶಾಖಾಧಿಕಾರಿ ಎಚ್‌.ಎ. ಗಡಾದ ಪತ್ರಿಕಾ ಪ್ರಕಟಣೆಯಲ್ಲಿತಿಳಿಸಿದ್ದಾರೆ.