ಪ್ರೌಢಶಾಲಾ ಶಿಕ್ಷಕರ ಸಭೆ

ಗದಗ: ಶಿಕ್ಷಕರಿಗೆ ಆರ್ಥಿಕ ಹಾನಿಯಾಗದಂತೆ ಸಮಸ್ಯೆ ಸರಿಪಡಿಸಲಾಗುವುದು ಎಂದು ವಿಧಾನ ಪರಿಷತ್‌ ಸದಸ್ಯ ಪ್ರೊ.ಎಸ್‌.ವಿ. ಸಂಕನೂರ ಹೇಳಿದರು.

ನಗರದ ಪ್ರವಾಸಿ ಮಂದಿರದಲ್ಲಿಜಿಲ್ಲೆಯ ಸಾರ್ವಜನಿಕ ಶಿಕ್ಷಣ ಇಲಾಖೆಯ ಉಪನಿರ್ದೇಶಕರು ಹಾಗೂ ಪ್ರೌಢಶಾಲಾ ಸಹಶಿಕ್ಷಕರ ಸಂಘ ಬಡ್ತಿ ಪ್ರೌಢಶಾಲಾ ಶಿಕ್ಷಕರ ಸಂಘಗಳೊಂದಿಗೆ ನಡೆದ ಸಭೆಯಲ್ಲಿಮಾತನಾಡಿದರು.

ಜಿಲ್ಲೆಯಲ್ಲಿಪ್ರಾಥಮಿಕ ಶಾಲೆಯಿಂದ ಪ್ರೌಢಶಾಲೆಗೆ ಬಡ್ತಿ ಹೊಂದಿ ಕಾರ್ಯನಿರ್ವಹಿಸುತ್ತಿರುವ ಶಿಕ್ಷಕರಿಗೆ 1-08-2008 ರಂದು ಅಥವಾ ನಂತರ ಬಡ್ತಿ ಹೊಂದಿದ ಶಿಕ್ಷಕರಿಗೆ ವಿಶೇಷ ಭತ್ಯೆ 400 ರೂ.ಮರು ಭರಣಾ ಮಾಡುವ ವಿಚಾರದಲ್ಲಿಸೃಷ್ಟಿಯಾಗಿರುವ ಗೊಂದಲಕ್ಕೆ ಪರಿಹಾರ ನೀಡುವ ದಿಸೆಯಲ್ಲಿಶಿಕ್ಷಕರು ಆತಂಕ ಪಡದೆ ಆರ್ಥಿಕ ಹಾನಿಯಾಗದಂತೆ ಸಮಸ್ಯೆ ಸರಿಪಡಿಸಲಾಗುವುದೆಂದು ಹೇಳಿದರು.

ಬಿ.ಎಫ್‌. ಪೂಜಾರ, ಪಿ.ಎಚ್‌. ಕಡಿವಾಲ, ಶಿವಾನಂದ ಗಿಡ್ನಂದಿ, ಶಾಂತಕುಮಾರ ಭಜಂತ್ರಿ, ಸಿ.ಬಿ.ಮಾಳಗಿ, ಎ.ಎಸ್‌.ಹಾದಿ, ಬೈಲಪ್ಪನವರ, ಬೆಳವಟಗಿ, ಎಸ್‌.ಸಿ.ನಾಗರಳ್ಳಿ, ಕೆ.ಎ.ಬಳಿಗೇರ ಇದ್ದರು.