ಹಿಂದೂಸ್ತಾನಿ ಗಾಯನ ಲಹರಿ

ಲಕ್ಷ್ಮೇಶ್ವರ : ಇನ್ಪೋಸಿಸ್‌ ಪ್ರತಿಷ್ಠಾನ ಸಂಯೋಜನೆಯಲ್ಲಿ ನಡೆಯುತ್ತಿರುವ ಪುಲಿಗೆರೆ ಉತ್ಸವದ ಕೊನೆಯ ದಿನವಾದ ಭಾನುವಾರ ಸಂಜೆ ಮೊದಲು ಕಾರ್ಯಕ್ರಮ ಆಕಾಶವಾಣಿ ಕಲಾವಿದ ಪಂ.ಸದಾಶಿವ ಐಹೋಳಿ ಇವರ ಹಿಂದೂಸ್ತಾನಿ ಗಾಯನಯೊಂದಿಗೆ ಪ್ರಾರಂಭವಾಯಿತು.

ಮಧುವತಿ ರಾಗದ ಪ್ರೀಯಾ ಮೋರೆ ಚೀಜ್‌ನೊಂದಿಗೆ ತಮ್ಮ ಗಾಯನ ಆರಂಭಿಸಿ ತಮ್ಮ ಮಧುರ ಕಂಠದಿಂದ ಸಂಗೀತ ಪ್ರೀಯರು ನಾದ ಲೋಕದಲ್ಲಿ ಮಿಂದೆದ್ದರು. ನಂತರ ನಂಬರು ನೆಚ್ಚರು ಬರಿದೇ ಕರೆಯವರು ಎಂಬ ಬಸವಣ್ಣವರ ವಚನವನ್ನು ತಮ್ಮ ಧ್ವನಿಸಿರಿಯಿಂದ ಆರಂಭಿಸಿದರು. ಹೀಗೆ ಅನೇಕ ಗಾಯನಗಳಿಂದ ಸುಮಾರು ಒಂದುವರೆ ಘಂಟೆಗೂ ಹೆಚ್ಚು ತಮ್ಮ ಹಿಂದೂಸ್ತಾನಿ ಗಾಯನದಿಂದ ಪ್ರೇಕ್ಷ ಕರ ಮನಗೆದ್ದರು.

ಗಾಯನ ಮಧ್ಯ ಹಾರ್ಮೋನಿಯಂ ಮತ್ತು ತಬಲಾ ಜುಗಲ ಬಂದಿ ಏರ್ಪಡುತ್ತಿದ್ದರು. ಆಗ ಜನರು ಹರ್ಷಗೊಂಡು ಚಪ್ಪಾಳೆ ತಟ್ಟುತ್ತಿದ್ದರು.

ತಮ್ಮ ಹಿಂದೂಸ್ತಾನ ಗಾಯನ ಇವರಿಗೆ ಆಕಾಶವಾಣಿಯ ಕಲಾವಿದ ಶ್ರೀಧರ ಮಾಂಡ್ರೆ ಅವರ ಗಾಯನಕ್ಕೆ ತಕ್ಕಂತೆ ತಬಲಾ ನೀಡುತ್ತಿದ್ದರು. ಅಶ್ವೀನ್‌ ವಾಲ್ವಾಲಕರ್‌ ಹಾರ್ಮೋನಿಯಂ ಮತ್ತು ಸುಜಾತಾ ಐಹೋಳೆ ತಾನ್ಪುರಿ ಸಾಥ್‌ ನೀಡಿದರು.