ಬಸಲಿಂಗಯ್ಯ ಶಾಸ್ತ್ರೀಗೆ ಗೌರವ ಡಾಕ್ಟ್ರೇಟ್‌ ಪದವಿ

ರೋಣ: ಪುರಾಣ,ಪ್ರವಚನ ,ಸಂಗೀತ ಕ್ಷೇತ್ರದಲ್ಲಿಗಣನೀಯ ಸೇವೆಯನ್ನು ಸಲ್ಲಿಸುತ್ತಿರುವ ತಾಲೂಕಿನ ಮಾಡಲಗೇರಿ ಗ್ರಾಮದ ಬಸಲಿಂಗಯ್ಯ ಹಿರೇಮಠ ಶಾಸ್ತ್ರೀ ಅವರಿಗೆ ಪಾಂಡಿಚೇರಿ ಇಂಟರ್‌ ನ್ಯಾಶನಲ್‌ ಗ್ಲೋಬಲ್‌ ವಿಶ್ವವಿದ್ಯಾಲಯ ಗೌರವ ಡಾಕ್ಟ್ರೇಟ್‌ ನೀಡಿದೆ.

ಪ್ರಶಸ್ತಿಯನ್ನು ಜ.5ರಂದು ಬೆಂಗಳೂರಿನ ವಿಜಯನಗರದ ಪ್ರತಿಷ್ಠಿತ ಕೆಎಎಸ್‌ಎಸ್‌ಐ ಮೇಮರಿ ಹಾಲ್‌ ನಡೆಯಲಿರುವ ಕಾರ್ಯಕ್ರಮದಲ್ಲಿಗಣ್ಯರಿಂದ ಸ್ವೀಕರಿಸಲಿದ್ದಾರೆ.

ಇಲ್ಲಿಯವರೆ 2000 ಕ್ಕೂ ಹೆಚ್ಚು ಪ್ರವಚನ ಹಾಗೂ ಸಂಗೀತ ಕಾರ್ಯಕ್ರಮ ನೀಡಿದ್ದಾರೆ.ಆಕಾಶವಾಣಿಯಲ್ಲಿಕೀರ್ತನಾ ವಿಭಾಗದಲ್ಲಿಆಯ್ಕೆಯಾಗುವ ಮೂಲಕ ಹತ್ತು ವರ್ಷಗಳ ಕಾಲ ಆಕಾಶವಾಣಿಯಲ್ಲಿಸಂಗೀತದ ಮೂಲಕ ಕೀರ್ತನೆ ನೀಡಿದ್ದಾರೆ. ನಂತರ ಮೈಸೂರು ಜಿಲ್ಲೆಯ ಸುತ್ತೂರಿನ ಜ.ಶಿವರಾತ್ರೇಶ್ವ ಶಿಕ್ಷಣ ಸಂಸ್ಥೆಯಲ್ಲಿಸಂಗೀತ ಶಿಕ್ಷಕರಾಗಿ ಸೇವೆ ಸಲ್ಲಿಸುತ್ತಿದ್ದಾರೆ.ಇತ್ತೀಚೆಗೆ ನಡೆದ ಶರಣ ವಿಶ್ವ ವಚನ ಫೌಂಡೇಶನ್‌ ಮೈಸೂರ ವಚನ ಗಾಯನ ಆಲಿಸಿ ಇವರಿಗೆ ಉತ್ತಮ ಸಂಗೀತ ಶಿಕ್ಷಕರೆಂದು ಪ್ರಶಸ್ತಿ ನೀಡಿ ಗೌರವಿಸಿದ್ದಾರೆ.