ಮಾಸ್ಕ್‌ ಧರಿಸದಿದ್ದರೆ ದಂಡ ಕಟ್ಟಿ ,ಮಾಸ್ಕ್‌ ವಿತರಿಸುವ ಮೂಲಕ ಪೊಲೀಸರಿಂದ ತಿಳಿವಳಿಕೆ

ಗಜೇಂದ್ರಗಡ: ಪಟ್ಟಣದ ಪ್ರಮುಖ ಬೀದಿಗಳಲ್ಲಿಮಾಸ್ಕ್‌ ಇಲ್ಲದೆ ಸಂಚರಿಸುವ ಪಾದಚಾರಿಗಳು ಮತ್ತು ಬೈಕ್‌, ವಾಹನ ಸವಾರರಿಗೆ ಮಂಗಳವಾರ ಪೊಲೀಸರು ಉಚಿತ ಮಾಸ್ಕ್‌ ವಿತರಿಸುವ ಮೂಲಕ ತಿಳಿವಳಿಕೆ ನೀಡಿದರು.

ಪೊಲೀಸ್‌ ಪೇದೆಗಳೊಂದಿಗೆ ಬೀದಿಗಿಳಿದ ಪಿಎಸ್‌ಐ ಗುರುಶಾಂತ ದಾಶ್ಯಾಳ ಪ್ರಮುಖ ಬೀದಿಗಳಲ್ಲಿವಾಹನ ಹಾಗೂ ದ್ವಿಚಕ್ರ ವಾಹನ ಸವಾರರು ಮಾಸ್ಕ್‌ ಇಲ್ಲದೇ ಸಂಚರಿಸಿದರೆ 500ರೂ.ವರೆಗೆ ದಂಡ ಹಾಕಲಾಗುವುದು ಎಂದು ಎಚ್ಚರಿಸಿದ್ದರು. ನಿಮ್ಮ ಆರೋಗ್ಯದ ದೃಷ್ಟಿಯಿಂದ ಎಲ್ಲರೂ ಸರಕಾರದ ನಿಯಮ ಕಡ್ಡಾಯ ಪಾಲಿಸಬೇಕು. ಇಲ್ಲದಿದ್ದರೆ ದಂಡ ಕಟ್ಟಬೇಕೆಂದು ತಿಳಿಸಿ ಮಾಸ್ಕ್‌ ಇಲ್ಲದೇ ತಿರುಗುತ್ತಿದ್ದವರಿಗೆ ದಂಡ ಹಾಕಿದರು.

ಮಂಗಳವಾರ ಪಟ್ಟಣದ ವಾರದ ಸಂತೆ ಇದ್ದ ಕಾರಣ ಜನದಟ್ಟನೆ ಹೆಚ್ಚಾಗಿತ್ತು. ಸಂತೆಗೆಂದು ರೋಣ, ಕುಷ್ಟಗಿ, ಯಲಬುರ್ಗಾ ತಾಲೂಕುಗಳಿಂದ ವ್ಯಾಪಾರ ವಹಿವಾಟಿಗೆ ಸಾವಿರಾರು ಜನರು ಪಟ್ಟಣಕ್ಕೆ ಬಂದಿರುವದರಿಂದ ಪೊಲೀಸರು ಸ್ವತ:ಮಾಸ್ಕ್‌ ಹಿಡಿದು ಮಾಸ್ಕ್‌ ಇಲ್ಲದೇ ಬೀದಿಗೆ ಬಂದವರನ್ನು ಎಚ್ಚರಿಸುವ ಜತೆಗೆ ಮಾಸ್ಕ್‌ ನೀಡಿ ಕಡ್ಡಾಯ ಹಾಕಿಕೊಳ್ಳಬೇಕು. ಇಲ್ಲದಿದ್ದರೆ ದಂಡ ಕಟ್ಟಬೇಕು ಎಂದು ಹೇಳಿದರು.