ರಸ್ತೆ ಕಾಮಗಾರಿ ಪೂರ್ಣಗೊಳಿಸಲು ಒತ್ತಾಯ

ಗದಗ: ನಗರಸಭೆಯ ವಾರ್ಡ್‌ ನಂ.1ರ ಎಸ್‌.ಎಂ. ಕೃಷ್ಣಾ ನಗರದ ರಸ್ತೆ ಕಾಮಗಾರಿ ಆಮೆಗತಿಯಲ್ಲಿ ನಡೆದಿದ್ದು, ಸಾರ್ವಜನಿಕರಿಗೆ ತೀವ್ರ ತೊಂದರೆಯಾಗಿದೆ. ಕೂಡಲೇ ಸಂಬಂಧಿಸಿದ ಅಧಿಕಾರಿಗಳು ಶೀಘ್ರ ರಸ್ತೆ ಕಾಮಗಾರಿ ಪೂರ್ಣಗೊಳಿಸಲು ಕ್ರಮ ಕೈಗೊಳ್ಳಬೇಕು ಎಂದು ಕರವೇ ಜಿಲ್ಲಾ ಯುವ ಘಟಕದ ಸದಸ್ಯರು ಪೌರಾಯುಕ್ತರಿಗೆ ಮನವಿ ಸಲ್ಲಿಸಿದರು.

ಈ ಸಂದರ್ಭದಲ್ಲಿ ಕರವೇ ಯುವ ಘಟಕದ ಅಧ್ಯಕ್ಷ ನಿಂಗನಗೌಡ ಮಾಲಿಪಾಟೀಲ, ತಾಲೂಕು ಅಧ್ಯಕ್ಷ ನಾಗಪ್ಪ ಅಣ್ಣಿಗೇರಿ, ಜಿಲ್ಲಾ ಸಂಚಾಲಕ ಹನಮಂತ ಪೂಜಾರ, ವಾರ್ಡ್‌ ಘಟಕದ ಅಧ್ಯಕ್ಷ ಪರವೇಜ್‌ ಡಂಬಳ, ವಿನಾಯಕ ಬದಿ, ಯಲ್ಲಪ್ಪ ಭೊವಿ, ಆನಂದ ಹಂಡಿ, ಶಬ್ಬೀರ ತಹಶೀಲ್ದಾರ, ದಾದಾಪೀರ ರೋಣ, ಸಮೀರ ಉಮಚಗಿ, ಉಮರಫಾರೂಕ, ಮಹಮ್ಮದ ಶಫೀ, ಗೀತಾ ಮಣ್ಣೂರ ಇತರರು ಉಪಸ್ಥಿತರಿದ್ದರು.