ಕೆರೆಯ ಸುತ್ತ ಸ್ವಚ್ಛತೆ ಕಾಪಾಡಲು ಸೂಚನೆ

ಲಕ್ಕುಂಡಿ: ಇಲ್ಲಿಯ ಹಾಲಗೊಂಡ ಬಸವೇಶ್ವರ ಕೆರೆ, ದಂಡಿನ ದುರ್ಗಾದೇವಿ ಕೆರೆಯ ಸುತ್ತ ಮುತ್ತ ಗ್ರಾಮಸ್ಥರು ಸ್ವಚ್ಛತೆ ಕಾಪಾಡಿಕೊಳ್ಳಬೇಕು ಎಂದು ಗ್ರಾಮ ಪಂಚಾಯತಿ ಪ್ರಕಟಣೆ ನೀಡಿದೆ

ಈಗಾಗಲೇ ಬಸವೇಶ್ವರ ಕೆರೆಯನ್ನು ತುಂಗಾಭದ್ರಾ ಜಲಾಶಯದಿಂದ ತುಂಬಿಸಲಾಗಿದೆ. ದುರ್ಗಾದೇವಿ ಕೆರೆ ಇನ್ನು ಕೆಲವೇ ದಿನಗಳಲ್ಲಿತುಂಬಲಿದೆ. ಆದ್ದರಿಂದ ಈ ಎರಡು ಕೆರೆಗಳ ನೀರು ಮಲೀನಗೊಳ್ಳದಂತೆ ಕಾಪಾಡಿಕೊಳ್ಳುವುದು ಎಲ್ಲರ ಕರ್ತವ್ಯವಾಗಿದೆ. ಆದ್ದರಿಂದ ಕೆರೆಗಳ ಸುತ್ತಮುತ್ತ ಇರುವ ತಿಪ್ಪೆ ತೆಗೆಯಬೇಕು. ಕೆರೆಯ ಸುತ್ತ ಮಲಮೂತ್ರ ವಿಸರ್ಜನೆ ಮಾಡಬಾರದು. ಗ್ರಾಮದ ಗಟಾರುಗಳಲ್ಲಿಹೋಟೆಲ್‌ ಮಾಲಕರು ಪ್ಲಾಸ್ಟಿಕ್‌ ಕಪ್‌, ಕಸ , ಕಡ್ಡಿ ಹಾಕಬಾರದು ಮೂರು ದಿನಗಳ ಒಳಗಾಗಿ ತಿಪ್ಪೆಗಳನ್ನು ತೆಗೆಯಬೇಕು ಎಂದು ಗ್ರಾಪಂ ಅಧ್ಯಕ್ಷ ಎಸ್‌.ಎಂ. ಬೂದಿಹಾಳ ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.