ಮಾಜಿ ಸೈನಿಕರಿಂದ ಕಾರ್ಗಿಲ್‌ ವಿಜಯೋತ್ಸವ

ಗದಗ : ಕಾರ್ಗಿಲ್‌ ಯುದ್ಧದಲ್ಲಿ ಭಾರತ ವಿಜಯ ಸಾಸಿದ 20ನೇ ವಾರ್ಷಿಕೋತ್ಸವ ಅಂಗವಾಗಿ ಜಿಲ್ಲಾ ಮಾಜಿ ಸೈನಿಕರ ಸಂಘ ಶುಕ್ರವಾರ ನಗರದ ಮಹಾತ್ಮಾ ಗಾಂಧಿ ವೃತ್ತದಲ್ಲಿ ಕಾರ್ಗಿಲ್‌ ವಿಜಯೋತ್ಸವ ಆಚರಿಸಿದರು.

ಕಾರ್ಗಿಲ್‌ ಯುದ್ಧದದಲ್ಲಿ ಭಾರತ ವಿಜಯೋತ್ಸವ ಸಾರಲು ಕಾರಣರಾದ ಸೈನಿಕ ಸಮೂಹಕ್ಕೆ ಜಯಘೋಷ ಹಾಕಿ ನಂತರ ಮಹಾತ್ಮಾ ಗಾಂಧಿ ಪುತ್ಥಳಿಗೆ ಮಾಲಾರ್ಪಣೆ ಮಾಡಲಾಯಿತು.

ಜಿಲ್ಲಾ ಮಾಜಿ ಸೈನಿಕರ ಸಂಘದ ಅಧ್ಯಕ್ಷ ಅಂದಾನಪ್ಪ ಯರಗೇರಿ, ಜಿ.ಬಿ.ಮಾಲಗಿತ್ತಿಮಠ ಮಾತನಾಡಿ, ಭಾರತೀಯ ಯೋಧರು ವೀರರಾಗಿದ್ದು ದೇಶ ಸಂರಕ್ಷಿಸುವ, ಕಟ್ಟುವ ಕಾರ್ಯದಲ್ಲಿ ತೊಡಗಿದವರು ಮಳೆ, ಗಾಳಿ, ಬಿಸಿಲು, ಛಳಿ ಎನ್ನದೇ ದೇಶ ಕಾಯುವ ಕಾಯಕದಲ್ಲಿ ನಿರತರಾಗಿದ್ದು ಇವರ ಸೇವೆ ಸ್ಮರಣೀಯ ಎಂದರಲ್ಲದೆ ಯುದ್ಧದಲ್ಲಿ ವೀರಮರಣ ಹೊಂದಿದ ಯೋಧರಿಗೆ ನಮನ ಸಲ್ಲಿಸಿದರು.

ಮಾಜಿ ಸೈನಿಕ ಎಸ್‌.ಬಿ.ಸೊನ್ನದ, ಎಸ್‌.ಎಸ್‌.ಪೆಂಟಾ, ಎ.ಎಸ್‌.ಚಿಗರಿ, ಎಸ್‌.ಆರ್‌.ಪಾಟೀಲ, ಎಚ್‌.ಕೆ.ಶಿವಪ್ಪ, ಎಸ್‌.ಬಿ.ಸರ್ವಿ ಕಾರ್ಗಿಲ್‌ ಯುದ್ಧದ ಸನ್ನಿವೇಶಗಳನ್ನು ವಿವರಿಸಿ ಮಾತನಾಡಿದರು.

ಎ.ಆರ್‌.ನದಾಫ, ಎಸ್‌.ಬಿ.ಧಾರವಾಡ, ಚನ್ನಯ್ಯ ಬಳಗಾನೂರಮಠ, ಡಿ.ಎ.ನೇಗಲಿ, ಎ.ಎಸ್‌.ಕರಡಿ, ಬಿ.ಎಸ್‌.ಪಾಟೀಲ, ಎಚ್‌.ಆರ್‌.ಪಾಟೀಲ, ಎಸ್‌.ವಿ.ಗೂಳರಡ್ಡಿ, ಎಂ.ಎಸ್‌.ಜಗರಡ್ಡಿ, ಬಿ.ವ್ಹಿ.ಅಬ್ಬಿಗೇರಿ, ಎಚ್‌.ಎನ್‌.ದಳವಾಯಿ, ಐ.ಡಿ.ಮೂಲಿಮನಿ, ಎನ್‌.ಎನ್‌.ಕಬಾಡಿ ಇದ್ದರು.ಐ.ಕೆ.ಪಟ್ಟಣಶೆಟ್ಟಿ ಸ್ವಾಗತಿಸಿದರು. ಎಸ್‌.ಸಿ.ಚಳಗೇರಿ ನಿರೂಪಿಸಿದರು. ಎಸ್‌.ವಿ.ಪಲ್ಲೇದ ವಂದಿಸಿದರು.