ಇನ್ಫೋಸಿಸ್‌ನಿಂದ ನೀಡಿದ ಕಿಟ್‌ ವಿತರಣೆ

ನರಗುಂದ: ಮಲಪ್ರಭಾ ನದಿ ಮತ್ತು ಬೆಣ್ಣೆ ಹಳ್ಳದ ಪ್ರವಾಹಕ್ಕೆ ಸಿಲುಕಿ ಅಂತ್ರಸ್ಥಿತಿಯಲ್ಲಿರುವ ಸಂತ್ರಸ್ತರಿಗೆ ದಾನಿಗಳು, ವಿವಿಧ ಸಂಘ ಸಂಸ್ಥೆಗಳಿಂದ ನೆರವಿನ ಮಹಾಪೂರವೆ ಹರಿದು ಬರುತ್ತಿದೆ.

ಇನ್ಫೋಸಿಸ್‌ ಸಂಸ್ಥೆ ಅಧ್ಯಕ್ಷ ಸುಧಾಮೂರ್ತಿ ಅವರು ಕಳುಹಿಸಿದ ಸಂತ್ರಸ್ತರಿಗೆ ಅವಶ್ಯವಾಗಿ ಬೇಕಾಗಿರುವ ವಸ್ತುಗಳನ್ನು ಒಳಗೊಂಡ ಕಿಟ್‌ಗಳನ್ನು ಕಾಳಜಿ ಕೇಂದ್ರದ ಸಂತ್ರಸ್ತರಿಗೆ ವಿತರಿಸಲಾಯಿತು. ಮನೆ, ಮಠ ಕಳೆದುಕೊಂಡು ಬೀದಿಗೆ ಬಂದಿರುವ ನೆರೆ ಸಂತ್ರಸ್ತರಿಗೆ ಅವಶ್ಯವಾಗಿರುವ ಆಹಾರ ಧಾನ್ಯ ಹೊರತು ಪಡಿಸಿ ಬಕೆಟ್‌, ಚಾಪೆ, ಹೊದಿಕೆ, ಸೋಪುಗಳು, ಟೂತ್‌ ಪೇಸ್ಟ್‌, ಬ್ರೆಸ್‌, ಟವಲ್‌, ಮಕ್ಕಳ, ಮಹಿಳೆಯರ ಉಡುಪುಗಳು ಸೇರಿದಂತೆ ಹಲವು ವಸ್ತುಗಳ ಕಿಟ್‌ ವಿತರಿಸಲಾಯಿತು.

ಇಲ್ಲಿನ ವಿನಾಯಕ ನಗರದ ಯುವಕರು ಕರಿಕಿಕಟ್ಟಿ, ಮೆಣಸಗಿ, ಹೊಳೆಆಲೂರ ಭಾಗದ ಸಂತ್ರಸ್ತರಿಗೆ ಪಲಾವ್‌, ಉಪ್ಪಿಟ್ಟು ನೀಡಿದರು.