ಕಾದಂಬರಿ ಅಧ್ಯಯನದಿಂದ ಜ್ಞಾನ ವೃದ್ಧಿ

ಗಜೇಂದ್ರಗಡ : ಕಾಳಿದಾಸ ವಿರಚಿತ ಮೇಘಧೂತ, ಬಾಣ ರಚಿಸಿದ ಹರ್ಷ, ಪಂಚತಂತ್ರ, ಮುದ್ರಾರಕ್ಷ ಸ ಚರಿತೆಯಂತಹ ಹಲವು ಪೌರಾಣಿಕ ಮಹಾಕಾವ್ಯ, ಕಾದಂಬರಿಗಳು ನವ್ಯ ಯುವ ಸಾಹಿತಿಗಳಿಗೆ ಮಾರ್ಗದರ್ಶನಗಳಾಗಿವೆ ಎಂದು ನಿವೃತ್ತ ಶಿಕ್ಷ ಕ ಕೆ.ಎಸ್‌. ಗಾರವಾಡಹಿರೇಮಠ ಹೇಳಿದರು.

ಸ್ಥಳೀಯ ಮೈಸೂರ ಮಠದಲ್ಲಿ ಕನ್ನಡ ಸಾಹಿತ್ಯ ಪರಿಷತ್‌ದಿಂದ ನಡೆದ 155ನೇ ಸಾಹಿತ್ಯ ಚಿಂತನಾಗೊಷ್ಠಿಯಲ್ಲಿ ಅವರು ಮಾತನಾಡಿದರು.

ಹಿಂದಿನ ಕಾಲದ ಸಾಮಾಜಿಕ, ಐತಿಹಾಸಿಕ ಹಾಗೂ ಅಂದಿನ ಜನರ ಸ್ಥಿತಿಗತಿಗಳನ್ನು ಮಹಾಕಾವ್ಯಗಳು, ಕಾದಂಬರಿಗಳು ಪ್ರತಿಬಿಂಬಿಸಲಿವೆ. ಅವುಗಳ ಅಧ್ಯಯನದಿಂದ ಸಾಹಿತ್ಯ ಜ್ಞಾನ ವೃದ್ಧಿಯಾಗಲಿದೆ ಎಂದರು.

ಮಹಿಳಾ ಘಟಕ ಅಧ್ಯಕ್ಷೆ ಶರಣಮ್ಮಾ ಅಂಗಡಿ ಮಾತನಾಡಿ, ಹಿಂದಿನ ಕಾಲದಲ್ಲಿ ರಚಿಸಿದ ಮಹಾಕಾವ್ಯಗಳು ಇಂದಿನ ಕಾಲಘಟ್ಟಕ್ಕೆ ತುಲನೆ ಮಾಡಿ ಓದುವುದರಿಂದ ಕನ್ನಡ ನಾಡು, ನುಡಿ, ಭಾಷಾಜ್ಞಾನ ಹೆಚ್ಚಲಿದೆ ಎಂದರು. ಭುವನೇಶ್ವರಿ ಅಂಗಡಿ, ಎಸ್‌.ವಿ. ನವಲಗುಂದ, ಎಸ್‌.ಕೆ. ಸಂಗಮದ, ಶಂಕರ್‌ ಕಲ್ಲಿಗನೂರ, ಎಸ್‌,ಎಸ್‌, ನರೇಗಲ್‌, ಎಮ್‌.ಎಸ್‌. ಮಕಾನದಾರ, ಎಚ್‌.ಆರ್‌. ಭಜೇಂತ್ರಿ, ಐ.ಆರ್‌. ಯಲಿಗಾರ ಇನ್ನಿತರರು ಉಪಸ್ಥಿತರಿದ್ದರು.