ಛಾಯಾಗ್ರಾಹಕರಿಗೂ ಸರಕಾರ ನೆರವು ನೀಡಲಿ

ಗಜೇಂದ್ರಗಡ: ಕೊರೊನಾ ಹಿನ್ನೆಲೆಯಲ್ಲಿಲಾಕ್‌ಡೌನ್‌ ಸೇರಿದಂತೆ ಹಲವು ಕಾರಣಗಳಿಂದ ಯಾವುದೆ ಕೆಲಸವಿಲ್ಲದೇ ತೀವ್ರ ಸಂಕಷ್ಟಕ್ಕೆ ಸಿಲುಕಿರುವ ವೃತ್ತಿನಿರತ ಛಾಯಾ ಗ್ರಾಹಕರಿಗೂ ಸರಕಾರ ವಿಶೇಷ ಆರ್ಥಿಕ ಪರಿಹಾರ ನೀಡಬೇಕೆಂದು ಛಾಯಾ ಗ್ರಾಹಕರ ಸಂಘದ ಅಧ್ಯಕ್ಷ ಶೀವು ಮೇಟಿ ಒತ್ತಾಯಿಸಿದರು. ಸ್ಥಳೀಯ ತಹಸೀಲ್ದಾರಿಗೆ ಮನವಿ ಸಲ್ಲಿಸಿ ಮಾತನಾಡಿದರು.

ಛಾಯಾ ಗ್ರಾಹಕರು, ಸಹಾಯಕರು, ವಿಡಿಯೋ ಗ್ರಾಫರ್‌, ಲ್ಯಾಬ್‌ನಲ್ಲಿಕೆಲಸ ಮಾಡುವವರು, ಸಂಕಲನ ಹಾಗೂ ನೇರ ಸಂಕಲನದಲ್ಲಿತೊಡಗಿರುವವರು, ಎಲ್‌ಇಡಿ, ಕ್ರೇನ್‌ ಆಪರೇಟರ್‌,ಡ್ರೋನ್‌ ಆಪರೇಟರ್‌ ಹೀಗೆ ಛಾಯಾ ವೃತ್ತಿಯಲ್ಲಿತೊಡಗಿದ ಹಲವಾರು ಜನರು ಇಂದು ಯಾವುದೇ ಭದ್ರತೆಯಿಲ್ಲದೆ ಕಾರ್ಯನಿರ್ವಹಿಸುತ್ತಿದ್ದಾರೆ ಎಂದರು.

ಜಗದೀಶ ಹೊಸಳ್ಳಿ ,ಎಸ್‌.ಸಿ. ಅರವಟಿಗಿಮಠ, ಸುಭಾಸ ಬಡಿಗೇರ, ಸಂಗಪ್ಪ ಕಾಶಪ್ಪನವರ, ಆತ್ಮಾನಂದ ಜರತಾರಿ, ಮಧು ದಲಬಂಜನ, ಗುರು ಮಿಸ್ಕಿನ, ರವಿ ಆರೇರ, ರವಿ ಹೊರಪೇಟೆ, ನಾರಾಯಣ ಅರಸಿದ್ದಿ, ಪರಶುರಾಮ ಮಾಳೋತ್ತರ, ಉಮೇಶ ಸರ್ವೆ ಇತರರು ಉಪಸ್ಥಿತರಿದ್ದರು.