ವಿದ್ಯಾರ್ಥಿಗಳು ನಿರಂತರ ಅಧ್ಯಯನ ಮಾಡಲಿ

ಗದಗ :ಇಂದಿನ ವಿದ್ಯಾರ್ಥಿಗಳು ಸುಭದ್ರ ರಾಷ್ಟ್ರ ಕಟ್ಟುವಲ್ಲಿ ದಿಟ್ಟ ಹೆಜ್ಜೆಯನ್ನಿಟ್ಟು ಶ್ರೇಷ್ಠ ಸಂವಿಧಾನದ ಅನುಕರಣೆ ಮಾಡಿ ಸತ್ಪ್ರಜೆಗಳಾಗಿ ಹೊರಹೊಮ್ಮಬೇಕು ಎಂದು ಡಾ.ಬಿ.ಎಫ್‌.ದಂಡಿನ ಹೇಳಿದರು.

ನಗರದ ಕೆವಿಎಸ್‌ಆರ್‌ ಮಹಾವಿದ್ಯಾಲಯ ಸಂಸತ್‌ ಸಮಾರಂಭ ಉದ್ಘಾಟಿಸಿ ಮಾತನಾಡಿ, ವಿದ್ಯಾರ್ಥಿಗಳು ಕಠಿಣ ಪರಿಶ್ರಮದಿಂದ ಅಧ್ಯಯನ ಮಾಡಬೇಕೆಂದರು.

ಡಾ.ಮಹೇಶ ಜೋಶಿ ಮಾತನಾಡಿ, ವಿದ್ಯಾರ್ಥಿಗಳು ಬದುಕಿನಲ್ಲಿ ಆತ್ಮವಿಶ್ವಾಸದಿಂದ ಬದುಕು ಎದುರಿಸಬೇಕು. ವಿದ್ಯಾರ್ಥಿಗಳು ಉತ್ತಮ ಪ್ರಜೆಗಳಾಗಬೇಕು ಎಂದರು.ನಿವೃತ್ತರಾದ ಕವಿತಾ ಕಾಶಪ್ಪನವರನ್ನು ಸನ್ಮಾನಿಸಲಾಯಿತು.

ಸಂಕೇತ ಕಾಲೇಜು ಪ್ರಾ. ನವೀನ ಕಂಬಾರ, ಸ್ಕೌಟ್‌ ಮತ್ತು ಗೈಡ್ಸ್‌ ಸಂಘದ ಅಧ್ಯಕ್ಷ ಮಹಾದೇವಯ್ಯನವರು, ಪ್ರೊ. ಜಿ.ಎಂ. ಹಕಾರಿ ವಿದ್ಯಾರ್ಥಿ ಪ್ರತಿನಿಧಿಗಳಿಗೆ ಪ್ರತಿಜ್ಞಾವಿಧಿ ಬೋಧಿಸಿದರು. ಹಂಚಿನಾಳ ಪ್ರಾರ್ಥಿಸಿದರು. ಶಾರದಾ ಸ್ವಾಗತ ಗೀತೆ ಹಾಡಿದರು.ಪ್ರಾ. ಅನಿಲ ವೈದ್ಯ ಸ್ವಾಗತಿಸಿದರು. ಪ್ರೊ.ಶಶಿಧರ ಕುರಿ ನಿರೂಪಿಸಿದರು. ಪ್ರೊ.ಸತೀಶ ಪಾಸಿ ವಂದಿಸಿದರು.