ಲಾಕ್‌ ಡೌನ್‌; 10ಕ್ಕೂ ಹೆಚ್ಚು ಬೈಕ್‌ ವಶ ,ಲಾಠಿ ರುಚಿ

ನರಗುಂದ: ತಾಲೂಕಿನಲ್ಲಿಕೊರೊನಾ ಸೊಂಕಿತರ ಸಂಖ್ಯೆ ದಿನೆ ದಿನೆ ಏರಿಕೆಯಾಗುತ್ತಿದ್ದರೂ ಜನ ಸಂಚಾರ ಕಡಿಮೆಯಾಗಿಲ್ಲ. ಈ ಹಿನ್ನೆಲೆಯಲ್ಲಿಮುನ್ನೆಚ್ಚರಿಕೆ ಕ್ರಮವಾಗಿ ಶನಿವಾರ ಸಂಜೆ ವ್ಯಾಪಾರ ವಹಿವಾಟು ಪೊಲೀಸರು ಸ್ಥಗಿತಗೊಳಿಸಿದರು. ಲಾಕ್‌ ಡೌನ್‌ ಉಲ್ಲಂಘಿಘಿಸಿ ಸಂಚರಿಸುತ್ತಿದ್ದ ಬೈಕ್‌ ಸವಾರರಿಗೆ ಪೊಲೀಸರು ಲಾಠಿ ಬಿಸಿ ತೋರಿಸಿ ಬೈಕ್‌ ವಶ ಪಡಿಸಿಕೊಂಡು ದಂಡ ಹಾಕಿದರು.

ಲಾಕ್‌ ಡೌನ್‌ ಸಂದರ್ಭದಲ್ಲಿಮನೆ ಬಿಟ್ಟು ಹೊರಬಾರದಂತೆ ಮೈಕ್‌ ಮೂಲಕ ಎಚ್ಚರಿಕೆ ನೀಡಿದರೂ ಜನ ಬೈಕ್‌ನಲ್ಲಿಸಂಚರಿಸುತ್ತಿದ್ದ, ಮಾಸ್ಕ್‌ ಧರಿಸದವರಿಗೆ ಪೊಲೀಸರು ಲಾಠಿ ಬಿಸಿ ತೋರಿಸಿ ಎಚ್ಚರಿಕೆ ನೀಡಿದರು.

ಹುಬ್ಬಳ್ಳಿ - ವಿಜಯಪುರ ಹೆದ್ದಾರಿಗೆ ಹೊಂದಿಕೊಂಡು ಶಿವಾಜಿ ಸರ್ಕಲ್‌ ಬಳಿ ಬರುವ ವಾಹನ ಸವಾರರಿಗೆ ಬಿಸಿ ಮುಟ್ಟಿಸಿದ ಪೊಲೀಸರು ಲಾರಿ ಚಾಲಕರಿಗೂ ಲಾಠಿ ರುಚಿ ತೊರಿಸಿದರು. ಬೆಳಗ್ಗೆ ವಾಯು ವಿವಾರಕ್ಕೆ ಹೋದವರು, ಬಯಲು ಬಹಿರ್ದೆಸೆಗೆ ಹೋದವರಿಗೂ ಪೊಲೀಸರು ಖಡಕ್ಕೆ ಎಚ್ಚರಿಕೆ ನೀಡಿದರು.

ಔಷಧ ಅಂಗಡಿ, ಹಾಲಿನ ಕೇಂದ್ರ, ಪೆಟ್ರೋಲ್‌ ಬಂಕ್‌ ಹೊರತು ಪಡಿಸಿ ಎಲ್ಲಅಂಗಡಿಗಳು ಬಂದಾಗಿದ್ದರಿಂದ ಮಾರುಕಟ್ಟೆ, ರಸ್ತೆಗಳು, ಬಸ್‌ ನಿಲ್ದಾಣ ಬಿಕೋ ಎನ್ನುತ್ತಿತ್ತು.