ಗದಗ: ಕೊರೊನಾ ವೈರಸ್ ಭಯ, ವ್ಯಕ್ತಿ ನೇಣಿಗೆ ಶರಣು

ಗದಗ: ತನಗೆ ಕೊರೊನಾ ಸೋಂಕು ಬರುತ್ತದೆ ಎನ್ನುವ ಭಯದಿಂದ, ಮನನೊಂದು ವ್ಯಕ್ತಿಯೊಬ್ಬ ನೇಣು ಬಿಗಿದು ಆತ್ಮಹತ್ಯೆ ಮಾಡಿಕೊಂಡ ಘಟನೆ ನಡೆದಿದೆ.
ಜಿಲ್ಲೆಯ ಗಜೇಂದ್ರಗಡ ತಾಲೂಕಿನ ಕಲ್ಲಿಗನೂರು ಗ್ರಾಮದಲ್ಲಿ ಗುರುಸಂಗಪ್ಪ ಜಂಗಣ್ಣವರ (40) ಆತ್ಮಹತ್ಯೆ ಮಾಡಿಕೊಂಡ ವ್ಯಕ್ತಿ

ಕೂಲಿ ಕೆಲಸಕ್ಕೆ ಎಂದು ಮಂಗಳೂರಿಗೆ ಹೋಗಿದ್ದ ಗುರುಸಂಗಪ್ಪ, ಮೂರು ದಿನಗಳ ಹಿಂದೆ ಕಲ್ಲಿಗನೂರು ಗ್ರಾಮಕ್ಕೆ ವಾಪಸ್ ಆಗಿದ್ದರು. ಅನಾರೋಗ್ಯದ ಹಿನ್ನೆಲೆಯಲ್ಲಿ ಶಾಂತಗೇರಿ ಸರ್ಕಾರಿ ಆಸ್ಪತ್ರೆಗೆ ದಾಖಲಾಗಿದ್ದ ಅವರಿಗೆ, ವೈದ್ಯರು ಕೊರೊನಾ ವೈರಸ್ ಸೋಂಕು ನಿಮಗೆ ತಗುಲಿಲ್ಲ ಎಂದು ಹೇಳಿದ್ದರು.

ಆದರೆ, ಮಾನಸಿಕ ಖಿನ್ನತೆಯಿಂದ ಕೊರೊನಾ ವೈರಸ್ ಸೋಂಕು ಬರುತ್ತದೆ ಎಂದು ಭಯಗೊಂಡು, ಗ್ರಾಮದ ಹೊರವಲಯದ ಜಮೀನಿನಲ್ಲಿ ನೇಣು ಬಿಗಿದು ಆತ್ಮಹತ್ಯೆ ಮಾಡಿಕೊಂಡಿದ್ದಾರೆ. ಈ ಹಿನ್ನಲೆ, ಗಜೇಂದ್ರಗಡ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ‌ದಾಖಲಾಗಿದೆ.