ಮರವೇರಿ ಕುಳಿತ ಅಪ್ರಾಪ್ತ! ಕಾರಣ ಕೇಳಿದ್ರೆ ಶಾಕ್ ಆಗ್ತೀರಾ?

ಗದಗ: ಅಪ್ರಾಪ್ತ ಬಾಲಕನೊಬ್ಬ (16 ವರ್ಷ) ತನಗೆ ಯಾವುದೇ ಕೆಲಸ ಹೇಳಬಾರದು, ಹೊಸ ಬಟ್ಟೆ ತಂದುಕೊಡಬೇಕೆಂದು ವಿಚಿತ್ರ ಬೇಡಿಕೆಗಳನ್ನಿಟ್ಟು ಮರವೇರಿ ಕುಳಿತು ಕುಟುಂಬಸ್ಥರು ಹಾಗೂ ಸ್ಥಳೀಯರನ್ನು ಆತಂಕಕ್ಕೆ ಸಿಲುಕಿಸಿದ ಘಟನೆ ಮಂಗಳವಾರ ನಡೆದಿದೆ.

ಬಾಲಕ ಗ್ರಾಮದ ವಿರುಪಾಕ್ಷೇಶ್ವರ ದೇವಾಲಯದ ಸಮೀಪದ ದೊಡ್ಡ ಆಲದ ಮರ ಏರಿ ಕುಳಿತಿದ್ದ. ಮನೆಯಲ್ಲಿ ಯಾರು ಕೂಡ ನನಗೆ ಕೆಲಸ ಹೇಳಬಾರದು, ಐಫೋಡ್ ಕೊಡಿಸಬೇಕು, ಬೇಡಿದ ವಸ್ತುಗಳು ಹಾಗೂ ಹೊಸ ಬಟ್ಟೆಗಳನ್ನ ಕೊಡಿಸಬೇಕು ಎಂದು ಬೇಡಿಕೆಗಳನ್ನು ಮುಂದಿಟ್ಟಿದ್ದ.

ಹೀಗೆ ಮರವೇರಿ ಕುಳಿತ ಬಾಲಕನ ಮನವೊಲಿಸಿ ಕೆಳಗಿಳಿಸಲು ಪೋಷಕರು, ಸ್ಥಳೀಯರು ಹರಸಾಹಸ ಪಟ್ಟರು. ಆದರೆ, ಅದಕ್ಕೆ ಬಾಲಕ ಒಪ್ಪದೇ ಒಂದೆರಡು ಗಂಟೆ ಮರದಲ್ಲಿಯೇ ಕುಳಿತಿದ್ದ. ಪಾಲಕರು ಆತನ ಬೇಡಿಕೆ ಈಡೇರಿಸುವುದಾಗಿ ಒಪ್ಪಿಕೊಂಡ ನಂತರವೇ ಆತ ಕೆಳಗೆ ಇಳಿದಿದ್ದಾನೆ.

ಬಾಲಕ ಮಾನಸಿಕ ಖಿನ್ನತೆಯಿಂದ ಬಳಲುತ್ತಿದ್ದು, ಕಳೆದ ಕೆಲವು ದಿನಗಳಿಂದ ಹೀಗೆ ವರ್ತಿಸುತ್ತಿದ್ದಾನೆ ಎಂದು ಹೇಳಲಾಗುತ್ತಿದೆ.