ಶಿರಹಟ್ಟಿಯಲ್ಲಿ ಮೊಹರಂ ಆಚರಣೆ

ಶಿರಹಟ್ಟಿ : ಪಟ್ಟಣದಲ್ಲಿಮಂಗಳವಾರ ಹಿಂದೂ-ಮುಸ್ಲಿಂ ಬಾಂಧವರು ಮೊಹರಂ ಹಬ್ಬ ಆಚರಣೆ ಮಾಡಿದರು. ಈ ಸಂದರ್ಭದಲ್ಲಿಹಿಂದು -ಮುಸ್ಲಿಂ ಬಾಂಧವರು ಕೂಡಿಕೊಂಡು ಹೆಜ್ಜೆ ಮೇಳ ಹಾಕುವುದರೊಂದಿಗೆ ದೇವರಿಗೆ ತಮ್ಮ ಹರಕೆ ತೀರಿಸಿದರು. ಕೋಮು ಸೌಹಾರ್ದತೆಯ ಪ್ರತೀಕವಾಗಿ ಸಮುದಾಯದಲ್ಲಿಪರಸ್ಪರ ಭಾವನಾತ್ಮಕ ಕೊಂಡಿಯಾದರು.

ಮೊಹರಂ ಅಂಗವಾಗಿ ಮಧಾಹ್ನ ಮುಸ್ಲಿಂ ಭಾಂದವರು ಬೆಂಕಿ ಕೆಂಡದ ಮೇಲೆ ನಡೆದು ಭಾವಪರವಶವಾದರು. ಮುಸ್ಲಿಂ ಸಮುದಾಯದವರಿಗೆ ಸರಿಸಮಾನವಾಗಿ ಈ ಹಬ್ಬದಲ್ಲಿಪಾಲ್ಗೊಳ್ಳುವ ಹಿಂದುಗಳು ಮೊಹರಂ ಹಬ್ಬದ ಪ್ರತಿಯೊಂದು ಕ್ಷಣಗಳಿಗೂ ಸಾಕ್ಷಿಯಾದರು.