ಹಿಂಗಾರಿ ಬೆಳೆ ಸ್ಥಿತಿಗತಿ ಪರಿಶೀಲಿಸಿಲನೆ

ಕೊಣ್ಣೂರ: ನರಗುಂದ ತಾಲೂಕಿನಲ್ಲಿಬೆಳೆದ ಹಿಂಗಾರಿ ಬೆಳೆಗಳಲ್ಲಿಕೀಟ ಮತ್ತು ರೋಗ ಬಾಧೆಗಳು ಉಂಟಾಗಿದ್ದು ತಾಲೂಕಿನ ಸಹಾಯಕ ಕೃಷಿ ನಿರ್ದೇಶಕರು ನಾನಾ ಗ್ರಾಮಗಳಿಗೆ ಭೇಟಿ ನೀಡಿ ಬೆಳೆ ಸ್ಥಿತಿಗತಿ ಪರಿಶೀಲಿಸಿದರು. ಇಲಾಖೆಯ ಕ್ಷೇತ್ರ ಸಿಬ್ಬಂದಿಯೊಂದಿಗೆ ಜಮೀನುಗಳಿಗೆ ತೆರಳಿ ಬೆಳೆ ನಷ್ಟದ ಅಂದಾಜು ಮಾಡಿದ್ದಲ್ಲದೆ ಅವಶ್ಯಕ ಸಸ್ಯ ಸಂರಕ್ಷಣಾ ಕ್ರಮ ಶಿಫಾರಸ್ಸು ಮಾಡಿದರು. ಕೃಷಿ ಇಲಾಖೆಯ ರೈತ ಸಂಪರ್ಕ ಕೇಂದ್ರಗಳಲ್ಲಿಸಸ್ಯ ಸಂರಕ್ಷಣೆಗೆ ಬೇಕಾದ ಸಾಕಷ್ಟು ಔಷಧಿಗಳನ್ನು ದಾಸ್ತಾನು ಮಾಡಲಾಗಿದೆಯಂದು ತಿಳಿಸಿದರು. ತಾಲೂಕಿನಲ್ಲಿ21000 ಹೆಕ್ಟೇರ್‌ ಕಡಲೆ, 7000 ಹೆಕ್ಟೇರ್‌ ಗೋಧಿ, 7100 ಹೆಕ್ಟೇರ್‌ ಜೋಳ 200 ಹೆಕ್ಟೇರ್‌ ಸೂರ್ಯಕಾಂತಿ ಮತ್ತು 400 ಹೆಕ್ಟೇರ್‌ ಕುಸುಬೆ ಬೆಳೆ¿åಲಾಗಿದೆ. ಕಡಲೆಯಲ್ಲಿಶೇ.75 ರಷ್ಟು ಕುಂಕುಮ ರೋಗದ ಬಾಧೆ ಕಂಡು ಬಂದಿದೆ. ಶೇ.80-90 ಗೋಧಿ ಬೆಳೆಯಲ್ಲಿಭಂಡಾರ ರೋಗದ ಬಾಧೆ ಕಂಡುಬಂದಿದೆ. ಇದರೊಂದಿಗೆ ಸೂರ್ಯಕಾಂತಿಯಲ್ಲಿತುಕ್ಕು ರೋಗವು ಕಂಡು ಬಂದಿದ್ದು ಶಿಲೀಂದ್ರನಾಶಕ ಸಿಂಪರಣೆ ಮಾಡಲು ಈಗಾಗಲೇ ತಿಳಿಸಲಾಗಿದೆ. ಹೆಚ್ಚಿನ ಮಾಹಿತಿಗೆ ಕೃಷಿ ಇಲಾಖೆ ಸಿಬ್ಬಂದಿ ಸಂಪರ್ಕಿಸಲು ತಿಳಿಸಲಾಗಿದೆ.

ಸಹಾಯಕ ಕೃಷಿ ನಿರ್ದೇಶಕರು ಹಾಗೂ ಇಲಾಖೆಯ ಸಿಬ್ಬಂದಿ ಹದಲಿ, ಗಂಗಾಪೂರ, ರಡ್ಡೇರನಾಗನೂರ, ಶಿರೋಳ, ಕಪ್ಪಲಿ, ಕಲ್ಲಾಪೂರ ಗ್ರಾಮದ ಕ್ಷೇತ್ರಗಳಲ್ಲಿಭೇಟಿ ನೀಡಿದ್ದರು. ಬಸವಂತಪ್ಪ ಸುಂಕದ, ಈರಪ್ಪ ಸಜ್ಜನ, ಬಸವರಾಜ ಅಬ್ಬಿಗೇರಿ, ಗ್ರಾಪಂ ಸದಸ್ಯರಾದ ಮಾರುತಿ ಯಾದವ, ಶಾಂತವ್ವ ಹಿರೇಮಠ, ಶಿವಾನಂದ ಸಣಕಲ್‌ ಮುಂತಾದವರು ಹಾಜರಿದ್ದರು.