ನವರಾತ್ರಿ ಶ್ರೀದೇವಿ ಮಹಾತ್ಮೆ ಪುರಾಣ

ಗದಗ: ಮಾನವನು ನಿರಂತರವಾಗಿ ಧ್ಯಾನ ಮತ್ತು ಸತ್ಸಂಗ ಮಾಡುತ್ತ ತನ್ನಲ್ಲಿರುವ ಅರಿಷಡ್ವರ್ಗಗಳಾದ ಕಾಮ, ಕ್ರೋಧ, ಲೋಭ, ಮದ, ಮೋಹ, ಮತ್ಸರಗಳನ್ನು ನಾಶಗೊಳಿಸಿ ಸದ್ಗುಣಗಳೊಂದಿಗೆ ಶಾಂಭವಿಯ ಕೃಪೆ ಪಡೆದು ದೇವ ಮಾನವನಾಗಲು ಸಾಧ್ಯ ಎಂದು ಮಂಜುನಾಥ ಜಕ್ಕಲಿ ಹೇಳಿದರು.

ತಾಲೂಕಿನ ಕುರ್ತಕೋಟಿ ಗ್ರಾಮದ ಶರಣ ಬಸವೇಶ್ವರ ದೇವಸ್ಥಾನದಲ್ಲಿನವರಾತ್ರಿ ಅಂಗವಾಗಿ ನಡೆದ ದೇವಿ ಮಹಾತ್ಮೆ ಪುರಾಣ ಪ್ರವಚನದಲ್ಲಿಮಾತನಾಡಿದರು.

ಶ್ರೀದೇವಿಯು ದುರ್ಗುಣಗಳ ಆಗರವಾದ ರಕ್ಕಸರನ್ನು ಸಂಹಾರ ಮಾಡಿ ಶಿಷ್ಟರನ್ನು ಸಂರಕ್ಷಿಸಿ ಧರ್ಮ ಸ್ಥಾಪಿಸಿ ಲೋಕ ಕಲ್ಯಾಣ ಮಾಡಿದಳು ಎಂದರು.

ಪಠಣಕಾರ ಶಿದ್ರಾಮಯ್ಯ ನಾಗಾವಿಮಠ, ಹಾರ್ಮೋನಿಯಂ ವಾದಕ ಶೇಖರಯ್ಯ ನಾಗಾವಿಮಠ, ತಬಲಾವಾದಕ ಚನ್ನಬಸಯ್ಯ ನಾಗಾವಿಮಠ, ಕಿರಣಕುಮಾರ ಕೂಡ್ಲಿಗಿ ಹಿರೇಮಠ, ಗುರು ಗಂಗಾಧರ ಭಜನಾ ಸಂಘ, ವೀರಭದ್ರೇಶ್ವರ ಭಜನಾ ಸಂಘದ ಯುವಕರು ಭಾಗವಹಿಸಿದ್ದರು.