ನೋ ಹೆಲ್ಮೆಟ್‌,ನೋ ಪೆಟ್ರೊಲ್‌

ರೋಣ: ಬೈಕ್‌ ಸವಾರರು ಹಾಗೂ ಹಿಂಬದಿ ಸವಾರರಿಗೆ ಹೆಲ್ಮೆಟ್‌ ಕಡ್ಡಾಯಗೊಳಿಸಲು, ಪಟ್ಟಣದ ಎಲ್ಲಪೆಟ್ರೊಲ್‌ ಬಂಕ್‌ಗಳಿಗೆ ತೆರಳಿ, ಹೆಲ್ಮೆಟ್‌ ಧರಿಸಿದ್ದವರಿಗೆ ಮಾತ್ರ ಪೆಟ್ರೊಲ್‌ ಹಾಕಲು ಪೊಲೀಸರು ಮನವಿ ಮಾಡುತ್ತಿದ್ದಾರೆ.

ಈಗಾಗಲೇ ಹೆಲ್ಮೆಟ್‌ ಧರಿಸುವುದನ್ನು ಕಡ್ಡಾಯಗೊಳಿಸಿರುವ ಪೊಲೀಸರು ಇದೀಗ ಹೆಲ್ಮೆಟ್‌ ಧರಿಸದ ದಿಚಕ್ರ ವಾಹನ ಸವಾರರಿಗೆ ಪೆಟ್ರೊಲ್‌ ಸಿಗದಂತೆ ಮಾಡಲು ಮುಂದಾಗಿದ್ದಾರೆ. ಪ್ರತಿ ಪೆಟ್ರೊಲ್‌ ಬಂಕ್‌ಗಳಿಗೂ ಸುತ್ತಾಡುತ್ತಿದ್ದಾರೆ. ಕೆಲವು ಪೆಟ್ರೊಲ್‌ ಬಂಕ್‌ಗಳ ಬಳಿ ಅಗತ್ಯ ಸಿಬ್ಬಂದಿ ಕಣ್ಗಾವಲು ಇರಿಸಿದ್ದಾರೆ.

ವಾಹನ ಸವಾರರು ಹೆಲ್ಮೆಟ್‌ ಧರಿಸದಿದ್ದರೆ, ಪೆಟ್ರೊಲ್‌ ನೀಡದಂತೆ ಬಂಕ್‌ಗಳಿಗೆ ಪೊಲೀಸರು ಸೂಚನೆ ನೀಡುತ್ತಿದ್ದಾರೆ. ಈ ಹೊಸ ನಿಮಯ ಅ.2 ರಿಂದ ಪಟ್ಟಣದಾದ್ಯಂತ ಮತ್ತು ತಾಲೂಕಿನ ವಿವಿಧೆಡೆ ಇರುವ ಪೆಟ್ರೊಲ್‌ ಬಂಕ್‌ಗಳಲ್ಲಿಜಾರಿಗೆ ಬಂದಿದೆ ಎಂದು ತಿಳಿದು ಬಂದಿದೆ.

ನೋ ಹೆಲ್ಮೆಟ್‌, ನೋ ಪೆಟ್ರೊಲ್‌ ನಿಯಮ ಜಾರಿಗೆ ಬಂದ ಬಳಿಕ ಸಿಸಿಟಿವಿ ಮೂಲಕ ಪೊಲೀಸರು ಪೆಟ್ರೊಲ್‌ ಬಂಕ್‌ಗಳ ಮೇಲೆ ಕಣ್ಗಾವಲಿರಿಸಿದ್ದಾರೆ. ಆಗಾಗ ಪೆಟ್ರೊಲ್‌ ಬಂಕ್‌ಗಳಿಗೆ ದಿಢೀರ್‌ ಭೇಟಿ ನೀಡಿ ತಪಾಸನೆ ನಡೆಸುತ್ತಿದ್ದಾರೆ.

ಹೆಲ್ಮೆಟ್‌ ಕಡ್ಡಾಯ :
ಹೊಸ ಪ್ರಯೋಗದ ಮೂಲಕ ದ್ವಿಚಕ್ರ ವಾಹನ ಸವಾರರಲ್ಲಿಹೆಲ್ಮೆಟ್‌ ಕಡ್ಡಾಯಗೊಳಿಸಲು ಜಿಲ್ಲಾಪೊಲೀಸ್‌ ವರಿಷ್ಠಾಧಿಕಾರಿ ಶ್ರೀನಾಥ ಜೋಶಿ ಗದಗ ಜಿಲ್ಲೆಯಲ್ಲಿಒಂದು ಹೆಜ್ಜೆ ಮುಂದಿಡುವ ಮೂಲಕ ಎಲ್ಲಠಾಣೆಗಳಿಗೆ ಸ್ಪಷ್ಟ ಸೂಚನೆ ನೀಡಿದ್ದಾರೆ. ಪೆಟ್ರೊಲ್‌ ಬಂಕ್‌ ಮಾಲೀಕರ ಜತೆ ಚರ್ಚಿಸಿ ಹೆಲ್ಮೆಟ್‌ ಕಡ್ಡಾಯಕ್ಕೆ ಈ ಸೂತ್ರ ಜಾರಿಗೆ ತಂದಿದ್ದಾರೆ. ಅದರಂತೆ ಎಲ್ಲಠಾಣೆ ಪ್ಯಾಪ್ತಿಯಲ್ಲಿರುವ ಬಂಕ್‌ಗಳಲ್ಲಿಪೆಟ್ರೊಲ್‌ ಬೇಕು ಎಂದರೆ ಹೆಲ್ಮೆಟ್‌ ಧರಿಸಲೇಬೇಕು.ಎಲ್ಲಪೆಟ್ರೊಲ್‌ ಬಂಕ್‌ಗಳಲ್ಲಿಎರಡ್ಮೂರು ದಿನಗಳಿಂದ ಪೊಲೀಸರು ನಿಗಾ ವಹಿಸಿದ್ದಾರೆ. ಹೆಲ್ಮೆಟ್‌ ಧರಿಸದವರಿಗೆ ದಂಡ ವಿಧಿಸುವುದಕ್ಕಾಗಿಯೇ ಕಾನ್‌ಸ್ಟೇಬಲ್‌ಗಳು ಹದ್ದಿನಕಣ್ಣು ಇಟ್ಟಿದ್ದಾರೆ.