ಅಂಚೆ ಕಚೇರಿ ಅಧಿಕಾರಿಗಳ ವಿರುದ್ಧ ಆಕ್ರೋಶ

ಗದಗ : ಅವಳಿ ನಗರದ ಅಂಚೆ ಕಚೇರಿ ಅಧಿಕಾರಿಗಳು ಸ್ವಾತಂತ್ರ್ಯ ಉತ್ಸವ ಅಂಗವಾಗಿ ಕಚೇರಿಯ ಕಟ್ಟಡದಲ್ಲಿ ಧ್ವಜಾರೋಹಣ ಮಾಡದೆ ದೇಶಕ್ಕೆ ಅಪಮಾನ ಮಾಡಿದ್ದಾರೆ ಎಂದು ಸಾರ್ವಜನಿಕರು ಅಧಿಕಾರಿಗಳ ವಿರುದ್ಧ ಆಕ್ರೋಶ ವ್ಯಕ್ತ ಪಡಿಸಿದರು.

ಸಾರ್ವಜನಿಕರು ಈ ಕುರಿತು ಅಂಚೆ ಕಚೇರಿ ಅಧಿಕಾರಿಗೆ ದೂರವಾಣಿ ಮೂಲಕ ಸಂಪರ್ಕ ಮಾಡಿದರೆ ನಮ್ಮ ಕಚೇರಿ ಬಾಡಿಗೆ ಕಟ್ಟಡದಲ್ಲಿ ಇದೆ. ಹೀಗಾಗಿ ನಾವು ಧ್ವಜ ಹಾರಿಸಿಲ್ಲ. ಕೇಂದ್ರ ಕಚೇರಿಯ ಆದೇಶ ಪ್ರಕಾರ ನಡೆಯುತ್ತವೆ. ಈ ಬಗ್ಗೆ ತಾವು ದೂರೂ ಸಲ್ಲಿಸಿದಲ್ಲಿ ನಾವು ಸ್ಪಷ್ಟ ದಾಖಲೆ ಕೋಡುವುದಾಗಿ ತಿಳಿಸಿದರು.

ಇದರಿಂದ ರೊಚ್ಚಿಗೆದ್ದ ಸಾರ್ವಜನಿಕರು ಅಧಿಕಾರಿಗಳ ಆಗಮನಕ್ಕೆ ಪಟ್ಟು ಹಿಡಿದು ಪ್ರತಿಭಟನೆ ಮಾಡಿದರು. ಸ್ಥಳಕ್ಕೆ ಆಗಮಿಸಿದ ಉಪ ತಹಸೀಲ್ದಾರ ಡಿ.ಟಿ.ವಾಲ್ಮೀಕಿ ಅವರು ಪ್ರತಿಭಟನಾಕಾರೊಂದಿಗೆ ಚರ್ಚಿಸಿ ಅಂಚೆ ಅಧಿಕಾರಗಳಿಗೆ ಎಚ್ಚರಿಕೆ ನೀಡಿ ಮುಂದಿನ ಕ್ರಮಕ್ಕಾಗಿ ಮೇಲಾಧಿಕಾರಿಗಳಿಗೆ ವರದಿ ಸಲ್ಲಿಸುವುದಾಗಿ ತಿಳಿಸಿದರು.

ರಾಷ್ಟ್ರ ದ್ವಜ ಗೌರವ ಸಂರಕ್ಷ ಣಾ ಸಮಿತಿ ಅಧ್ಯಕ್ಷ ಶ್ರೀನಿವಾಸ ಹುಬ್ಬಳ್ಳಿ ,ಹನುಮಂತಪ್ಪ ಅಳವಂಡಿ, ಮಾಜಿನಗರ ಸಭಾ ಸದಸ್ಯ ರಾಘವೇಂದ್ರ ಯಳವತ್ತಿ ವಿಶ್ವ ಹಿಂದೂ ಪರಿಷತ್‌ ಬಜರಂಗದಳದ ರಾಘವೇಂದ್ರ ಹಬೀಬ, ಮಹಾಂತೇಶ ಮಡಿವಾಳರ ಸ್ವರೂಪ ಹುಬ್ಬಳ್ಳಿ ಶಿವು ಪೂಜಾರ, ಯಲ್ಲಪ್ಪ ಬಜಂತ್ರಿ, ಪರಶುರಾಮ ಗಾರವಾಡ, ವೆಂಕಟೇಶ ಮಳೇಕರ ಗೋಪಾಲ ಮಳೇಕರ,ರವಿ ಮಡಿವಾಳ, ಶಂಕರ್‌ ಬದಿ, ರಾಮು ಬಾಲೆಹೊಸೂರ, ಗುರುಸಿದ್ದಪ್ಪ ಕೊಣ್ಣೂರ, ನರಸಿಂಹ ಕಾಮೂರ್ತಿ,ಗಂಗಾವತಿ ಇದ್ದರು.