ಪಾಲಕರ ಜವಾಬ್ದಾರಿ ಪ್ರಮುಖ

ಗಜೇಂದ್ರಗಡ : ಮಕ್ಕಳ ಸರ್ವತೋಮುಖ ಪ್ರಗತಿಯಲ್ಲಿಶಿಕ್ಷಕರ ಜತೆಗೆ ಪಾಲಕರ ಜವಾಬ್ದಾರಿ ಪ್ರಮುಖವಾಗಿದೆ ಎಂದು ವಿದ್ಯಾವರ್ಧಕ ಸಂಘದ ಕಾರ‍್ಯದರ್ಶಿ ಎ.ಎಫ್‌. ಹಿರೇಮಠ ಹೇಳಿದರು. ಸ್ಥಳೀಯ ಎಸ್‌.ಎಂ. ಭೂಮರೆಡ್ಡಿ ಪಿಯು ಕಾಲೇಜಿನ ಪಾಲಕರ ಸಭೆಯಲ್ಲಿಅವರು ಮಾತನಾಡಿದರು.

ಶಿಕ್ಷಣದ ಯಶಸ್ಸು ಯೋಚನೆ, ಯೋಜನೆ, ಅನುಷ್ಠಾನ ಮೇಲೆ ನಿಂತಿದೆ. ಪಾಲಕರು ಮತ್ತು ಶಿಕ್ಷಕರ ಸಮಯೋಚಿತ ಮಾರ್ಗದರ್ಶನದಿಂದ ಮಕ್ಕಳ ಭವಿಷ್ಯ ಅರಳಿದೆ ಎಂದರು.

ಆಡಳಿತಾಧಿಕಾರಿ ವಿ.ಬಿ. ಮರದ ಮಾತನಾಡಿದರು. ಪ್ರಾ. ಜೆ.ಜಿ. ಕುದರಿ, ಯಲ್ಲಪ್ಪ ರಾಜೂರ, ಶಕುಂತಲಾ ಮಾಲಗಿತ್ತಿ, ಜಿ.ಬಿ. ಗುಡಿಮನಿ, ಎ.ಎಸ್‌. ವಡ್ಡರ್‌, ವಿ.ಎಂ. ಜೊಚನಿ, ಎಸ್‌.ಎಸ್‌.ವಾಲಿಕಾರ ಇನ್ನಿತರಿದ್ದರು.